Magtatambal pala sa pelikula ng Star Cinema at Viva Films sina Anne Curtis at Derek Ramsay at kasama rin sa cast si Cristine Reyes. Nauna nang nag-tweet si Cristine tungkol dito at kailangan daw niyang mag-gain ng weight, ano kaya ang role nito sa movie?
Wala pang title ang movie to be directed by Ruel Bayani at malapit nang simulan ang shooting. Parang pag-aagawan dito si Derek nina Anne at Cristine, ‘no!
Isa lang ang pelikula ng tatlo sa co-production ng Viva Films at Star Cinema.
Nasa-line-up din ang next movie ni Vice Ganda after Private Benjamin at magandang project din daw ito at kasama ang mga bagong contract stars ng Viva Artist Agency.
Kambal na anak galit kay bembol Roco
Naintriga ang mga nakabasa sa shout out ni Dominic Roco sa Facebook account nito na “Tatay? Ano ‘yun?” at “All I need is my mom that’s it.” Ano kaya ang comment ni Bembol dito dahil ang dating sa mga nakabasa ay parang may trouble sila ng anak na kasama niya at gumaganap na ama niya sa Sisid.
Pero sa presscon ng afternoon soap, okey naman ang mag-ama at nagpalitan ng papuri sa isa’t isa. Hopefully, hindi ito gimik para sa Sisid dahil nagustuhan ng viewers ang soap at patunay ang maganda nitong ratings.
Akala pa naman ng press, ang kakambal ni Dominic na si Felix ang may isyu sa amang si Bembol, pero sa shout out nito, mukhang pati siya may isyu sa ama.
Paano ‘yun at madalas yata silang magka-eksena sa Sisid?
Wendell may gagawing pelikula sa GMA kahit nasa TV5 na
Nabasa namin ang pangalan ni Wendell Ramos na isa sa mga bida ng bagong movie ng GMA Films, ang horror movie na The Road to be directed by Yam Laranas. Sabagay, sa TV lang may kontrata sa TV5 ang actor at freelancer siya sa pelikula. Hindi naman siguro magkakaroon ng conflict sa taping ng Babaeng Hampaslupa at Sugod Mga Kapatid kung gagawa siya ng movie sa GMA Films.
Sa June 25, na ang first shooting day ng pelikula na mukhang solong ipoprodyus ng GMA Films at wala silang kasosyo.
Tanya Garcia balik-showbiz matapos alagaan ng apat na taon ang dalawang anak kay Mark Lapid
Balik-showbiz si Tanya Garcia at last Wednesday, pumirma siya ng management contract sa Viva Artists Agency ng two-year exclusive contract at si Veronique del Rosario-Corpus ang kanyang manager. Open for TV and movie project si Tanya na magandang-maganda pa rin kahit dalawa na ang anak kay Mark Lapid.
May blessing ng asawa ang pagbabalik-showbiz ni Tanya na four years wala sa eksena at ang asawa’t dalawang anak ang inasikaso.
Hindi mamimili ng role si Tanya, okay sa kanya ang kontrabida role at mother roles at hindi magiging isyu sa kanila ng asawa kung magkakaroon siya ng kissing scene.
Okay din kay Tanya na muling makatrabaho si Dingdong Dantes at alam niyang okay din ito kay Marian Rivera na nakasama niya sa Super Twins dati. “Mabait si Marian, prangka lang, pero mabait,” sabi ni Tanya.