MANILA, Philippines - Mapapanood na simula September 29 hanggang October 29 sa Meralco Theater ang pagbibidahang musical play ng teen star na si Sam Concepcion — ang Peter Pan ng STAGES at Repertory Philippines.
Exciting ang musical na ito kasi mapapanood si Sam na lumilipad. At muli niyang ipapakita ang galing sa pagpe-perform bilang singer, actor, dancer — na siya lang siguro ang nakakagawa sa generation niya.
‘‘Excited na akong lumipad onstage,’’ sabi ni Sam.
‘‘Masaya itong show na ’to dahil maraming flying scenes at magiging isang masayang pampamilyang palabas.’’
Dagdag pa ni Sam na marami ring magandang kanta ang dapat abangan sa musical na ito.
Ito rin ang nagsisilbing theater comeback niya pagkatapos gawin ang mga hit musicals na NOAH, High School Musical, at The Lion, the Witch and The Wardrobe.
Ang version na ito ng Peter Pan ay ‘yung sinulat ng tandem nina Stiles and Drewe tungkol sa batang hindi tumatanda. Ito ang Asian premiere ng version na ito.
‘‘Maraming nagsasabi na para talaga akong Peter Pan dahli maski 18 na ako, tingin ng tao, bata pa rin ako,’’ sabi pa ni Sam. ‘‘Nagpapasalamat talaga ako sa opportunity na ito na magbida ako sa isang malaking musical tulad ng Peter Pan.’’
Bukod kay Sam, mapapanood din sa Peter Pan si Michael Williams bilang Hook at isa sa mga promising stars ng ABS-CBN na si Tippy Dos Santos (Idol, Shoutout) bilang Wendy kasama si Cara Barredo bilang ka-alternate.
Milestone din ang Peter Pan dahil ito ang unang co-production ng STAGES at Repertory Philippines.
Sa direksiyon nina Menchu Lauchengco-Yulo at Jaime del Mundo, ang Peter Pan ay isa sa pinaka-bonggang musical sa nakaraang mga taon.
Para sa mga interested blockbuyers at sponsors, puwedeng tawagan ang STAGES sa (02)818-1111 local. 225.
Anyway, yummy na ang katawan ni Sam. Hindi na bagets ang hitsura kahit sabi nga niya ay bata ang tingin sa kanya. Binatang-binata na siya at batu-bato na rin ang katawan.
In fairness, ang say ni Sam, pinaghirapan niya ang nasabing katawan. Talagang, tiniyaga niya sa gym.
Malakas ang naging impluwensiya ng kasamahan niya sa STAGES na si Christian Bautista para gawin niya ‘yun.
Pero kahit 18 na si Sam, zero pa rin ang lovelife niya as in wala siyang girlfriend.
Ang dami raw niyang ginagawa para harapin ang babae.