Manila, Philippines - “Juan for all at all for one” ang magaganap na showdown sa celebrity edition ng Family Feud ng Kapuso Network. Hatid nina Wally Bayola at Paolo Ballesteros kasama ang sugod-bahay gang na Boom Boom Pow dancers. Sino sa family nina Wally o Paolo ang masosorpresa sa P150,000 na pa-premyo sa fast money round?
Ngayong June 1, muling susubukan ng returning champion na Navajas Family nina Chit, Karen, Ferdie, at Wawu sa ika-apat na pagkakataon na mapanalunan ang jackpot prize worth one million. Makuha na kaya nila ang jackpot o masilat sila ng naghahamong pamilya na kinabibilangan ng mga registered nurses?
Sa June 2, maisahan kaya ang mga Navajas ng mga iskolar ng bayan na sina Mark, L.A., Joshua, at Din?
Mainit ang showdown sa June 3 sa pagitan ng mga cast ng pinaka-bagong Dramarama sa Hapon na Sisid.
Sino kaya sa spicy Sisid family nina Maricar de Mesa, Bela Padilla, Rich Asuncion, at JC Tiuseco o sizzling Sisid family nina Jackie Rice, Ynna Asistio, Marc Acueza, at Dominic Roco ang kakayanin ang init ng fast money round para makuha ang P150K?
Ang Family Feud ay hino-host ni Edu Manzano.