Bumubuhos ng saya sa Party Pilipinas
Manila, Philippines - Party Pilipinas Buhos! ang tema ng Kapuso Sunday show ngayon dahil sa rami ng mga naggagandahang production numbers, tunay na bumubuhos ng sigla ang mga stars! Nangunguna na si Marian Rivera sa isang mapanuksong dance number. Kasama rin ang Amaya girls na sina Rochelle Pangilinan at Glaiza de Castro.
Emosyonal si Rachelle Ann Go sa kanyang Someone Like You song number na galing sa No. 1 album ngayon sa US at UK ng Adele’s 21.
Kantahan to the max sa Love Duets segment sina Heart Evangelista, Lovi Poe, at Jennylyn Mercado kapareha sina Jay Perillo, Ogie Alcasid, at Mark Bautista. Makakapareha rin ni Mark si Solenn Heussaff. May R&B fusion naman sina Kris Lawrence at Kyla.
Si Iza Calzado ang bahala sa Sayaw Pilipinas habang ang mga Jump In female finalists ay magpapagalingan para maging next big dance icon. Hindi magpapatalo sa kanila ang XLR8 at Down to Mars.
Abangan ang Spongecola para sa kanilang latest single, Tambay.
Ang Party Pilipinas ay mapapanood pagkatapos ng Kapuso Movie Festival sa Channel 7.
- Latest
