CEBU, Philippines - Human sa Gandang Ricky Reyes Award, Miss Globe, Mutya ng Santacruzan ug 1st Runner-up sa Best in Long Gown Competition, laing award na usab ang nakuha sa Cebu City bet sa Miss Philippines-Earth 2011 nga si Muriel Orais. Nakuha sa Miss Olive-C Campus Face 2010 nga si Muriel ang Best in Casual Club Wear award sa second round sa elimination.
Daghan ang nagmaya nga sayo pa lamang sa kompetisyon daghang mga minor awards na ang nakuha ni Muriel ug usa siya sa mga early favorites sa maong kompetisyon. Sa unang mga rounds, nakakuha og dakong pabor si Muriel apan dili gihapon siya mamahimong magkompyansa kay siyam ngadto sa100 ka mga kandidata ang matangtang sa kompetisyon matag semana. Sa pageant night, karong Hunyo 5, 10 finalists ra ang magtigi.
Natangtang na sa kompetisyon ang ubang early favorites. Sa second round sa elimination ang mga nawala mao sila si: Ms.Capalonga-Camarines Norte, Ms.Alabat-Quezon, Ms. Fil. Canada, Ms.Labo-Camarines Norte, Ms. Sto.Tomas-La Union, Ms. Caloocan, Ms.Parang-Maguindanao, Ms.Balagtas-Bulacan, Ms.Antipolo ug Ms. Baguio. Duna na lay 30 ka mga kandidata ang nahibilin karon, gikan sa original nga 40.
Gitakda na ang sunod nga set sa elimination sa Mayo 16. Mosulbong pa ba gihapon ang charm ni Muriel? Mao na ang angay nga atangan sa tanan…. Crischellyn Deguilmo Abayon