Ang Brazilian supermodel nga si Gisele Budchen gihapon maoy gideklara sa Forbes.com isip labing adunahan nga supermodel sa tibuok kalibutan, diin mitaas og $20 million, hinungdan nga mitala siya og $45 million nga kinitaan sa milabay nga tuig.
Ikapito ka higayon na kini nga si Gisele maoy nag-una sa labing dato nga supermodel sa tibuok kalibutan.
Ang nakahugyaw kay bisan sa iyang kadato, pabilin nga simple ang pagpuyo ni Gisele diin mas ganahan ra siya magpundo sa balay aron manglimpyo ug mag-atiman sa tuig kapin nga anak nila ni Tom Brady, nga si Benjamin, ingon man sa tulo ka tuig nilang sinagop nga si Jack.
‘I love it. Cleaning the house is actually very therapeutic for me. Becoming a parent has given me a whole new perspective on life. I can’t put into words how much I love it,” nagkanayon si Gisele.
Nagsunod ni Gisele ang German supermodel nga si Heidi Klum, nga may $20 million sa milabay nga tuig; ikatulo ang British model nga si Kate Moss, nga may $13.5 million; Adriana Lima - $8 million; Alessandra Ambrosio - $5 million; Daria Werbowy - $4.5 million; Lara Stone - $4.5 million; Carolyn Murphy - $4.3 million; Natalia Vodianova - $4 million; ug Candice Swanepol - $2 million.
Paris, Jinkee, Pacman Friends
Ang Hollywood socialite and hotel heiress nga si Paris Hilton maoy usa sa labing bag-ong celebrity friends ni Manny Pacquiao kinsa dali kaayong naka-post sa ilang hulagway paghuman sa away ni Pacman ug Shane Mosley. Gipadayag pud ni Paris sa iyang Twitter account nga gikatakda siya nga mubisita sa Pilipinas aron duawon ang iyang mga bag-ong higala nga sila si Pacman ug Jinkee Pacquiao.
Pasado si Charice!
Mipakpak ang National Historical Commission sa pagkanta ni international singing sensation Charice sa “Lupang Hinirang” atol sa away ni Manny Pacquiao ug Shane Mosley niadtong Domingo sa Las, Vegas. Si Teddy Atienza, hepe sa Heraldry Section sa NHI mitug-an nga may giandam silang suwat alang kang Pacman ug Charice aron pahalipayan sila sa kalampusan nga nakab-ot ug sa tukmang pagkanta sa singer.
No Sexlife
Subling nahugyaw ang Facebook kagahapon tungod sa rebelasyon ni Jinkee Pacquiao ngadto kang Philippine Star entertainment editor Ricky Lo niining sa bag-o lang nga tulo ka semana sa dili pa ang away sa iyang bana nga si Representative Manny Pacquiao dili gyud sila mag-sex ug kutob lang matud pa sila sa “hug hug.”
Paukyab Ni Luis
Misamot ang pagduda nga si Jennylyn Mercado gyud ang b ag-ong gi-ibid-ibiran karon ni Luis Manzano human walay klarong tubag ang TV host ngadto sa The Buzz niadtong Domingo, dihang gipangutana sa gikatahong panag-uban nila og shopping didto sa Taguig niadtong May 4. Imbes mutubag og “ Yes” or “No” miingon na hinuon si Luis nga sugod karong 2011, dili na tanang detalye sa iyang kinabuhi ang iyang paambitan sa publiko.
Nagkabuang Og Sorry
CEBU, Philippines - Daling nangayog pasaylo si Rich Asuncion ug John Lapus sa MTRCB atol sa Showbiz Central niadtong Domingo tungod sa imbitasyon sa Starstruck graduate nga angay tan-awon ang umaabot nga project nila ni Jackie Rice, ang ‘Sisid” sa GMA-7, tungod sa mga lalaki nga magpakita og abs ug sa mga casts nga nag-sul-ob og “pekpek shorts.”
Bag-ong uyab ni yilmaz minyo nga pinay?
Puno sa intriga ang tsika sa beteranang showbiz personality nga si Tita Swarding atol sa programang OkRyan sa dyRC 648 kHz., kagahapon sa buntag.
Suma pa niya subli niyang nahimamat ang iyang kanhi talent nga ka batch kaniadto nila ni Mutya Crisostomo, Francine Prieto ug Glydel Mercado ug miangkon matud pa kini nga siya maoy bag-ong uyab ni Yilmaz Bektas.
Yes, Yilmas as in kanhi bana ni Ruffa Gutierrez.
Ang tsika mao nga nagkaila matud pa ang duruha pinaagi sa Facebook, hangtud nga milawom ang ilang panaghigalaay ug kanunay na sila nga mag-istorya sa telepono.
Kanhi matud pa sexy star ang babaye nga naa manimuyo sa Novaliches, Quezon City.
Gitakda matud pa nga mubisita si Yilmaz niya dinhi sa Pilipinas karong July niining tuiga, sa usa ka kondisyon nga kinahanglang dili ipahibawo sa press ang tanan.
Ang problema mao nga minyo na ang kanhi sexy star ug dunay upat ka anak hinungdan nga matud pa naglabad ang iyang ulo unsay angay buhaton nga gitago man niya kini ngadto kang Yilmaz.
Nabuking matud pa ni Tita Swarding ang tanan sanglit nagpatambag kini niya unsay buhaton, o kinsay iyang pilion.
Misaad si Tita Swarding nga karong July, matinuod man o sa dili ang giingong pag-anhi ni Yilmaz, nganlan na niya kinsay iyang gipasabot nga kanhi sexy star.