Ms. & Mr. Mandaue 2011 media presentation

CEBU, Philippines - Hamag gyod ang amardz nako mga yotch niadtong Abril 27 sa Shangri-La Mactan Resort and Spa alang sa Seaside & Media Presentation sa Ms. & Mr. Mandaue 2011.

Nakurat kos akong katakitakihan adtong adlawa kay mitikang man kog Lapu-Lapu nga, unta, all roads going there are busy man diay that day because of the “Kadaugan sa Mactan” kuningkuning. Either egravs lang gyod akong kaikog sa The FREEMAN-BANAT NEWS Marketing peepz maong misugot kos shinoke nga assignment or ganahan lang pod gyod kong makakita upclose aning waffa-waffita nga Crystal Star Pearson Aberasturi. Ana!

Maka-imagine kag bisag modern-day Calvary na ang pag-adtog Punta Engaño gikag Colon these days – with matching makabuak sa ulo nga temperature sa atong kalibotan – mibalitok man kos Seaside portion of The Shang aron makasaksi sa pagpaila-ila sa mga kandidato’g kandidata sa Ms. & Mr. Mandaue 2011.

Tuod man, mipaila sa ilang kaugalingon ngadtos mga sakop sa quadri-media (apil namang social media ani susama namong mga bloggers) silang Dard-Wali Arranchado (19, 5’8”; taga Southwestern University); Rafael Dominic Torneros (20, 5’8”; SWU); Don Aaron Inocian (21, 5’7”; University of San Carlos); Lyrey Yves Campos (18, 5’7”; Velez College); Franz Jovenson Cimafranca (20, 5’7”; USC); Carlos Ching (21, 5’9”; University of the Visayas); Daryl Borces (17, 5’10”; UV); Michael Vincent Tuico (20, 5’10”; University of Cebu Lapu-Lapu Mandaue); Andres Estrada (20, 5’11”; University of San Jose-Recoletos); Ludwig Dan Beltran (20, 5’11”; USC); Wenzel Don Sevilleno (20, 6’; SWU); Janfeihl Cid Orbeta (20, 5’11”; USC); Richard Alex Ventura (18, 5’11”; Velez College); Charles Kenneth Ron Matienzo (19, 5’11”; Multi-Awardee Culinary School); Ummar Sambilad (21, 6”; Cebu Institute of Technology University); ug Danilo Kelso Belangel (18, 6’1”; USC).

Samtang ang mga girlash naglangkob nilang Marjorie Cayasan (19, 5’3”; USC); Shelly Therese Rodriguez (18, 5’3”; Cebu Doctors University); Valene Lou Rosas (24, 5’5”; SWU); Reygin Brion (18, 5’5”; USJR); Ann Vernice Cabasa (20, 5’5”; CDU); Crystal Star Aberasturi (18, 5’4”;CDU); April Ann Velasco (24, 5’5”; UV); Lady Jernae Marquez (19, 5’5”; UC Banilad); Jennibeth Delfin (19, 5’5”; Philippine State College of Aeronautics); Michelle Jade Jaculan (20, 5’6”; Indiana Aerospace University); Ma. Genefe Navilon (19, 5’6”; USJR); Rosalyn Clavano (20, 5’6”; USC); Maebelle Erica Barro (19, 5’7”; USC-TC); Astrid Adrienne May Hernandez (20, 5’8”; Notre Dame of Dadiangas University); Christine Paula Love Bernasor (24, 5’7”; CNU); Donna Maricel Cardino (22, 5’8”; Holy Name University).

Mirampa ang mga mhin sa ilang Resort Wear, samtang ang mga girlash mipakitag kahanas sa paghatag og hustisya sa Playsuit nga hilabihan gyong pakigola. Kita nang lapyahan sa Isla Buhing Bato. Ana!

Ug sa dihang — nagtoo ko nga ang akong manok maoy mogahot og maayo, nahapunting akong pagtagad ngadto kang Reygin Brion kinsa mipakitag maayong labok sa dihang gihatagan nag higayon ang mga taga-media nga makapangutana kanila from the most ridiculous question to the very basic.

Anyway, coronation sa Mr. Mandaue 2011 sa May 3 samtang gitakda ang Ms. Mandaue 2011 sa May 7. (BANATNEWS)