KC inililihim pa ang ginawa nila ni Piolo sa New York

Noong isang linggo ay pinag-usapan ang paglabas ni KC Concepcion sa sikat na American talk show na The View.

Mabilis din na kumalat sa internet ang nasabing video ni KC at marami ang napahanga sa dalaga, nakaka-proud si KC bilang isang Pinoy.

Sa kanyang pagdating sa bansa noong Lunes ng gabi mula sa Star Magic  U.S. concert tour ay ibinahagi ni KC ang kanyang naging karanasan doon. “Nakakatawa, hindi ko in-expect iyon, pumila lang ako. Pumipila lang kami sa audience, naghihintay lang kami ng tatlong oras tapos bigla na lang kaming tinanong kung ano ang pangalan namin saka kung willing daw ba kaming humarap sa camera, hindi na ako umimik at si Enchong (Dee) na lang ‘yung nag-yes,” kuwento ni KC.

Hinding-hindi raw makakalimutan ni KC ang kanyang na­ging experience doon kahit maikli lamang ang kanyang na­ging exposure sa nasabing TV show. “Pagkagising namin sa umaga, in-on namin ‘yung TV, kahit maikli lang ay nahihiya rin ako, pero ang saya, ang saya to experience a little bit of American TV,” dagdag pa ng dalaga.

Samantala, masayang-masaya rin si KC dahil naging bahagi siya sa kauna-unahang pagkakataon ng Star Magic shows sa ibang bansa. “Nakakapagod na nakakatuwa, kasi kasama ko ‘yung mga kapatid ko sa Star Magic and nakapunta ulit ako doon sa pinaka-gusto kong lugar sa New York,” pagtatapos ni KC.

May mga bulung-bulungan na nag-bonding din diumano sina KC at Piolo Pascual sa New York ngunit ayaw muna itong pag-usapan ng dalaga.

James at Phil, nagtayo ng Football Academy

Nagtayo ng Football summer camp ang magka­patid na sina Phil at James Younghusband.

Para ito sa mga kabataang may hilig sa paglalaro ng Football at para na rin sa kanilang mga coach.

Ibabahagi nina James at Phil dito ang kanilang kakayahan sa paglalaro ng nasabing sports. “Ang importante mga bata kasi ang future sila. ‘Yung basic ng football, passing, shooting, dribbling. Kapag bata, ang pinaka-importante ay ‘yung technical side, hands-on kami para magturo sa lahat ng students kasi napakaraming bata so i-try naming mag-participate. Iba ‘yung satisfaction, kapag masaya ‘yung mga bata, masaya ako. Dapat masaya kapag mga bata, dapat hindi seryoso, dapat fun, fun with your friends,” pahayag ni Phil.

Inaanyayahan ni Phil ang mga kabataan at mga coach na interesadong madagdagan ang kanilang kaalaman sa paglalaro ng football. “May summer camp kami every Tuesdays and Thursdays, may training sa PNS parade grounds. Kapag gusto n’yo maglaro ng Football, healthy lifestyle and living, maglaro lang ng Football. Kapag gusto ninyo maglaro, e-mail n’yo dito, [email protected],” pagtatapos pa ng football superstar. Reports from JAMES C. CANTOS