Claudine at Raymart panay ang pasyal sa abroad

Itinatago pa sana ng Regal Films na kasama si Dennis Trillo sa Temptation Island, pero marami na rin ang nakakaalam. Ang aktor ang pumalit kay Joem Bascon na inalis dahil hindi dumating sa pictorial, pero hindi pa siya nagsu-shooting.

Nadulas din si Dennis nang ma-interview ng press sa taping ng Dwarfina, nabanggit nitong bago ang My Neighbor’s Wife, may gagawin siyang pelikula sa Regal Films pa rin, pero four to five days lang ang shooting niya and by now, naka-schedule na siguro siyang mag-shooting.

Tamang-tama ang schedule ni Dennis dahil tapos na ang taping ng Dwarfina at puro pelikula muna ang gagawin niya habang wala pang kasunod na show sa GMA 7. Isa sa dalawang boyfriend ni Marian Rivera ang papel ni Dennis saTemptation Island na may June playdate.

* * *

Binabantayan ng kanilang mga kasama sa soap ang dalawa sa members ng cast na mukhang nagkaka-debelopan na. Halata sa kilos ng dalawa na hindi na lang basta co-star ang turingan nila sa isa’t isa, may kasama ng pagmamahal.

Nang minsang magka-problema ang aktres sa kanyang role, ang aktor ang kumumbinse sa kan­yang subukan ‘yun at aalalay siya. Ayun, hindi na nakaiwas ang aktres na i-try ang pagbabagong gaga­win sa kanyang karakter.

May konting problema lang sakaling matuloy sa relasyon ang pagiging close ng dalawa dahil kung ang aktres ay single, ang aktor ay may matagal nang GF. Kapag iniwan ng aktor ang non-showbiz GF alam na natin ang sagot, ang aktres ang ipinalit sa puso niya.

* * *

Sa Korea nag-Holy Week sina Raymart Santiago at Claudine Barretto at ang dalawang anak. Bukod sa bakasyon, nakapag-bonding ang buong pa­milya. Sinusulit nina Claudine at Raymart na pareho pa silang walang TV show dahil ‘pag nagka-show, magiging busy na sila.

Sa fans ni Claudine na matagal nang naghihintay na muling magkaroon ng regular TV show ang aktres, ang balita namin, may panibagong concept ang GMA 7 para sa kanya na hopefully, matuloy na.