CEBU, Philippines - Kanunay na nga sakyan ni Anne Curtis ang mga studio audience sa programa niya nga Showtime sa ABS-CBN sa higayon nga dunay mosinggit og “sample”. Aminado si Anne nga dili lalim ang iyang trabaho isip host sa Showtime gumikan kay kinahanglan nga ipakita gyud sa publiko ang iyang talento .
Lovi nagpakahilom
Gidungog nga matud pa gipagawas lang ni Lovi Poe nga buwag na sila ni Kongresista Ronald Singson aron dili na sila istoryahan sa publiko. Suma pa nga uyab gihapon ang duha hangtud karon ug gikapoy lang si Lovi sa nagkadaiyang isyu busa mas pilion pa niya nga magpakahilom.
AJ nagpadamgo
Kanunay magpadamgo ang mipanaw nga aktor nga si AJ Perez ngadto sa iyang mga kabanay ug magpabilin kini og mensahe alang sa iyang mga ginikanan nga nagkanayon nga malipayon na siya sa iyang nahimutangan karon. Suma pa sa inahan ni AJ nga si Mommy Marivic nga mapinanggaon kaayo nga anak ang aktor busa dili gyud siya kalimot niini.
Boracay ang tirada
Sa Boracay nag-pictorial ang magtiayong Bong Revilla ug Lanie Mercado alang sa wedding special nila sa GMA-7 kung diin malantawan ang ilang renewal of vows sa ilang 25th wedding anniversary karong Mayo 28. Ang Boracay maoy usa sa mga paboritong lugar sa magtiayon, gani kanunay kini mobakasyon sa maong dapit matag tuig.
Tween Hearts extended
Gipahibalo ni Barbie Forteza nga gumikan sa daghang hangyo sa iyang fans, extended hangtud sa Hunyo ang programang Tween Hearts sa GMA-7. Gikataho nga mo-guest pagbalik sa Tween Hearts ang young actress nga si Kylie Padilla. (BANAT NEWS)