Plus factor sa ipapalabas na 100 Days to Heaven ang miracle child na si Fatima Soriano. Si Fatima ang kumanta ng theme song nang sisimulang programa ng Kapamilya Network – Mahiwaga.
Interesting at parang exciting na ang nasabing palabas na sunud-sunod ngayon ang plugging ng ABS-CBN pero hindi pa nila sinasabi kung kailan ito sisimulang ipalabas.
Bida sa programa sina Coney Reyes and Xyriel Manabat.
Si Fatima ang batang blind since birth pero walang kahit kaunting sama ng loob. Puro pasasalamat pa siya sa Diyos.
Siya sana ang pagkakalooban ng cornea ng namayapang si AJ Perez pero hindi pumuwede.
* * *
Nakakuha na kaya ng bagong nanny ang mag-dyowang Brad Pitt at Angelina Jolie?
Yup, naghahanap sila ng nanny na makakatulong nila sa pag-aalaga ng mga lumalaki nilang anim na anak, ayon sa mga naglabasang online report.
Ipina-advertise pa ng mag-asawa ang paghahanap nila ng mag-aalaga sa anim nilang anak.
Bongga ang offer nilang suweldo kaya siguradong maraming nag-uunahang mag-apply. Imagine, $150,000 per annum?
Ayon sa British newspaper na The Sun, kailangang mapagkakatiwalaan ang magiging nanny at hindi tsismosa as in irerespeto ang privacy ng magkarelasyon.
“It’s a coveted position. Brad and Angelina’s requirements are justified — they only want the best for their kids. The pay packet and lifestyle make it a pretty amazing deal. Not only have Brad and Angelina got to be able to trust the nanny completely with the kids, but the new carer must also respect the family’s privacy,” sabi ng report ng The Sun.
Very particular din sila sa hinahanap nilang magiging superwoman na magiging nanny ng mga anak nila na sina Maddox, Pax, Zahara, Shiloh, at ang kambal na sina Knox Leon and Vivienne Marchelina.
Kailangang may degree ng education o child development at nakakapagsalita ng two languages, ayon pa sa report ng The Sun.
Bukod sa malaking suweldo, magiging biyahera rin ang magiging nanny at madadalas ang panood niya ng sine.
* * *
Sumasabit ang boses ng isang singer sa isang musical show kahapon. Tatlo sila sa isang number pero hindi siya makasabay at hindi nag-blend ang mga boses nila dahil hindi nga makasabay ang isa sa kanila.
May mga kanta lang binabagayan ang boses ng singer-actress kaya mas maiging huwag siyang masyadong isabay sa mga totoong singer.