P & G miundang na sa Willing Willie!

CEBU, Philippines - Gihunong una sa Procter & Gamble Philippines ang ilang advertising placements sa programang Willing Willie sa TV5 samtang nagpadayon pa ang imbestigasyon kalabot sa kontrobersyal nga March 12 episode sa nahisgutang show ni Willie Revillame. 

Kini maoy balita nga namantala kagahapon sa Yahoo News nga sinuwat ni Ellen Tordesillas para sa Vera Files.

Kahinum-duman nga nag-atubang karon og imbesti-gasyon ang Willing Willie sa mga nagkadaiyang ahensya sa kagamhanan gumikan sa macho dancing sa usa ka sais anyos nga si Jan Jan, diin daghang na-alarma ug naluoy sa bata.

 "Procter & Gamble strives to advertise on programs that align with our values as a company and our purpose to touch and improve lives. We routinely monitor the media in which our brands' messages appear and make advertising decisions that meet our policies and achieve our goals. We are aware of the recent incident in the program of 'Willing Willie' and we have suspended advertising on the show beginning April 7, 2011, while the incident is being reviewed and investigated by authorities," tipik sa official statement sa P&G Philippines pinaagi sa ilang representante sa Corporate Communications, Brand Public Relations department nga si Anama Dimapilis.

Una na nga miputol sa ilang advertising placement sa maong programa ang Mang Inasal nga gipanag-iya sa Jollibee Food Corporation. Mi-pull out pud ang Del Monte sa ilang mga advertising placement sa maong show.  (Sanden J. Anadia)

Bisan kinsa na lang

Human gilambigit ngadto kang Coco Martin, si Sam Milby na pud maoy gikatahong nanguyab matud pa ni Julia Montes. Apan ang labing sikat nga kontrabida karon sa Pilipinas miingon nga kausa ra sila nagkita ni Sam sa ASAP Rocks ug walay pagbinayloay og cellphone numbers, buot pasabot dili gani sila suod gyud busa imposibli ang "ligawan."

Mingawon sa salida o sa bida?

Mingawon na matud pa si Phil Younghusband sa Imortal karon nga naghinapos na ang pantaserye sa iyang crush nga si Angel Locsin. Matud ni Phil nahimo na siyang fan sa maong serye nga mahuman na karong April 20.

Carmen-Kean na

Sila si Kean Cipriano ug Carmen Soo maoy magpares karong April 17, sa usa ka episode sa Luv Crazy nga mag-ulohan og, "Husband For Hire" sa TV5.

Chokoleit gidakop sa Dubai

Gidakop diay sa Dubai police si Chokoleit niadtong Abril 2, tungod kay nagsul-ob siya og micro shorts. Gidili didto sa Dubai ang pagsul-ob og mubo nga shorts.

Wa pa diay maanad

Single si Bianca Manalo karong mga panahona hinungdan nga nakilig ang iyang mga kauban didto sa Boracay niining bag-o lang dihang may nakig-ilaila niya nga Filipino-Italian model nga Joe Ozbot nga miangkon pa nga katulo siya mutan-aw og Juanita Banana sa Italy sanglit ganahan siya sa beauty-queen. Nahugyaw si Bianca nga giingnan nga gwapa siya.

Bag-ong ad na pud

Si Venus Raj maoy labing bag-ong endorser sa Pizza Hut. Ug sa launch presscon kagahapon siya mismo maoy mi-serve og pizza sa mga sakop sa entertainment press nga mitambong.

Daiana sagpaon sa BIR!

Sagpaon matud pa sa BIR og kasong tax evasion ang Brazilian model/TV host nga si Daiana Meneses. Pero reaksyon niya: "I have been paying my taxes religiously."

Anne gipulihan ni Sam

Si Sam Pinto na ang leading lady ni Cesar Montano sa pelikulang "Sa Ngalan ng Pag-ibig." Gipulihan niya si Anne Curtis diin karong buwana sila gitakda nga mularga paingon sa China ug magpabilin didto hangtud sa Mayo alang sa shooting niining maong pelikula.

James gipangga gyud sa Dos

 Bisan pa man nga maglisod og litok og Tagalog si James Reid apan gitagaan gihapon siya og mahinungdanong eksena sa Good Vibes sa ABS-CBN aron mahanas pag-ayo ang iyang pag-arte atubangan sa kamera.

Ivan dili gusto itandi

Igo lang mipahiyom si Ivan Dorschner sa isyu   nga matud pa nga iyang naapsan ang career ni Bret Jackson.Suma pa ni Ivan nga dili sila angay intrigahon gumikan kay pareho ra sila og mother network, ang ABS-CBN.

Happy gilubong sa EB

Nakakuha lang og 3.1 % ang Happy Yipee Yehey samtang ang kaatbang niini nga Eat Bulaga nakaangkon og 12% ug kini base sa resulta sa AGB Nielsen Mega Manila People Ratings niadtong Abril5.