Charice isip Malia
CEBU, Philippines - Anga papel nga Malia maoy dalhon nga karakter ni Charice Pempengco sa Hollywood movie nga “Here Comes the Boom” diin iyang makauban sila si Henry Winkler, Kevin James ug Salma Hayek. Ipakita usab ni Charice sa maong pelikula ang abilidad niya sa pagkanta,
Paningkamot gyud Martin
Bisan sa ka-busy ni Martin del Rosario sa seryeng Minsan Lang Kita Iibigin sa ABS-CBN, ipadayon gihapon niya ang iyang pagtungha. Umaabot na nga sophomore Business Administration student si Martin sa University of the Philippines-Diliman.Paambit pa ni Martin nga dunay higayon nga alas 7 sa buntag na siya nahuman sa taping ,samtang ang iyang klase magsugod 8:30 sa buntag.
Solenn kever sa isyu
Nasigpatan nga nagkuyog sa sinehan sila si Solenn Heussaff ug Lloyd Zaragoza ug nagdungan usab og pangaon sa usa ka restaurant sa Greenbelt. Giklaro ni Solenn nga dili kini big deal gumikan kay manag-higala lang sila ni Lloyd.
Champ producer na
Ang kanhi sakop sa grupong Hale nga si Champ Lui Pio mihulma sa kaugalingon niya nga recording label nga ginganlan og Mecca Music. Si Champ maoy nag-produce sa album sa Youtube sensation nga si Rez Toledo. Usa si Bianca King sa himoon niya nga direktor sa himoon niya nga mga music video alang sa iyang mga talents.
“My neighbor’s wife”
Sila si Dennis Trillo, Lovi Poe, Carla Abellana,ug Jake Cuenca maoy mga bituon sa umaabot nga pelikula sa Regal Entertainment nga “My Neighbor’s Wife.” Kahinumduman nga wala madayon si Carla sa laing pelikula sa Regal nga Temptation Island busa malipayon kini nga dunay bag-ong proyekto nga gihatag alang kaniya.
Beth dakong buhi!
Todo padala og mensahe si Beth Tamayo ngadto sa iyang mga kabanay aron ipahibalo nga dili tinuod ang balita nga namatay siya.
Burlesque Booba
Nag-ulohan og Burlesque Booba ang birthday concert ni Rufa Mae Quinto karong Mayo 31 sa Resorts World .
Ogie wala maanad
Dili ganahan si Ogie Alcasid nga tawagon siya og commissioner gumikan kay wala siya maanad bisan pa man nga duna siya’y posisyon sa Edsa Commission.
Aubrey-Vhong movie?
Gihugon-hugon nga mag-uban pagbalik sa usa ka pelikula sila si Aubrey Miles ug Vhong Navarro apan hangtud karon wala gihapon mohatag og komento ang duha ka kampo kalabot sa maong taho.
Fans ni Pacman nadismaya
Nadismaya ang mga fans sa boxing icon nga si Manny “Pacman” Pacquiao” gumikan kay dili sila kaduol sa ilang idolo kinsa kasamtangang nag-insayo karon sa Wild Card Gym sa Los Angeles.
- Latest
