Para kanino kaya ang tweet ni Julia Clarete na “There are people in our lives that should end up in the trash bin… or maybe just cut in the woods for the wolves to devour” at sinundan pa ng “At tuluyan na ngang nabulabog ang mga uode (UODE-scary worms).”
Ang BF ni Julia na si Illac Diaz ay may issue kay Laguna Board Member Angelica Jones at maganda ang ginagawa ni Julia na hindi sumali sa issue ng dalawa. Pero curious pa rin kaming malaman kung para kanino ang mga tweets niya?
Agot kapuso sa mahal na araw
Mapapanood si Agot Isidro sa GMA 7 dahil sa Kapuso Network sa Black Saturday ang airing ng Lenten Special ng APT Entertainment ni Mr. Tony Tuviera entitled Maestra. Makakapareha rito ni Agot si Dennis Trillo na five years na laging bida sa Lenten Special ng APT Entertainment.
Gagampanan ni Agot ang role ng isang guro at janitor ng school naman ang role ni Dennis na tuturuan niyang mag-English hanggang sila’y nagka-inlaban.
Mula ito sa script ni Jun Lana na siya ring magdidirek ng special.
Kasama rin sa cast si Rocco Nacino bilang anak ni Agot.
Dennis sa-sideline kina maja at carla
Hindi lang ang Lenten Special ang project ngayon ni Dennis dahil next month, sisimulan na rin ang shooting ng bagong pelikula niya sa Regal Entertainment, Inc., na My Neighbor’s Wife. Title pa lang, intriguing na at parang alam na ang istorya ng script ni Jun at siya rin ang direktor ng movie.
Ang Kapamilyang si Maja Salvador at Kapuso talent na si Carla Abellana ang mga leading ladies ng pelikulang tungkol sa infidelity. Hindi lang namin alam ang mga respective roles ng four major cast.
Kasama rin sa cast si Jake Cuenca at ang dinig namin, ang My Neighbor’s Wife ang ipinalit na pelikula ng Regal sa hindi pagkatuloy ni Jake sa Temptation Island. Pero may Kapamilya rin sa cast ng movie at sila’y sina Jason Abalos at Tom Rodriguez na makakapareha ni Marian Rivera.
Ellen adarna parang wala nang damit
Napaka-sexy naman pala ng costume ni Ellen Adarna sa Captain Barbell at halos kita na ang buong katawan. Kaya pala may isang co-star si Ellen sa Pinoy Superhero series na nag-dialogue na mabuti’t hindi sa kanya napunta ang costume ng dalaga.
Pero ang boys, tiyak na enjoy sa costume ni Ellen na ubod ng sexy and in fairness sa kanya, kering-keri ng hitad.
Kontrabida ang role ng Cebuana at isa siya sa mga members ng Liga ng Kasamaan at makakalaban ni Richard Gutierrez. Curious lang kami, nakakapag-concentrate kaya ang aktor sa fight scene nilang dalawa?
Sa Monday na ang pilot ng Captain Barbell after 24 Oras.
Amazing Race Pinoy Edition nakuha ng Tv5
Nabasa namin ang tweet ni Jun Lalin na ang TV5 ang nakakuha ng franchise rights ng Amazing Race Pinoy Edition at nai-announce ito sa harap ng mga advertisers. Siguradong maraming sasali sa reality show na nagdadala sa mga contestants sa iba’t ibang lugar.
Sino kaya ang magho-host ng Amazing Race dahil parang busy si Paolo Bediones sa rami ng hawak na shows sa TV5 at siya rin ang host ng Extreme Make Over Home Edition plus executive rin siya ng network?