Gerald magtukod og foundation
CEBU, Philippines - Nagplano si Gerald Anderson nga magtukod og kaugalingon niya nga foundation aron iyang mapalapdan ang pagtabang sa iyang isigkatawo.
Nasayran nga kanunay mohimo og feeding program si Gerald alang sa mga bata nga dunay cancer.
Christopher nakulbaan
Giangkon ni Christopher Roxas nga nakulbaan siya pag-ayo sa seryeng Nasaan Ka Elisa? nga gibidahan ni Melissa Ricks gumikan kay mga maayong artista ang iyang makauban sama nila ni Agot Isidro, Vina Morales ug Albert Martinez.
Rayver naglikay sa gubot
Gipadayag ni Rayver Cruz nga dili katumpag sa relasyon nila ni Cristine Reyes ang bisan unsa nga mga intriga. Samtang dili na mohatag og komento si Rayver sa isyu tali nila ni Sarah Geronimo aron mohunong na ang mga tawo sa paghisgot kanila.
Wala magtagad
Gikatahong wala gihapon magtingog sila si Bea Alonzo ug Gerald Anderson. Ang duha gidungog nga nagkauyab kaniadto. Kasamtangang blooming karon si Bea gumikan sa relasyon nila ni Zanjoe Marudo. (Sanden J. Anadia)
Dolphy nayayay
Naglain ang lawas ni Dolphy busa wala kini katambong sa appreciation dinner sa Metro Manila Film Festival niadtong milabay nga gabii.
Cesar moarangkada na
Sa sunod buwan na ipasalida ang seryeng Andres De Saya sa GMA-7 nga bitounan nila ni Iza Calzado ug Cesar Montano.
FB ni Gary V na-hack
Tsika pa ni Gary Valenciano nga na-hack ang opisyal niya nga Facebook fan page busa mobuhat na pud siya og bag-ong account sa maong social networking site.
Suwerte ka Mo!
Giingong uyon ang mga ginikanan ni Rhian Ramos ngadto kang Mo Twister. Apan hangtud karon, pabilin nga tak-om si Rhian sa tinuoray nila nga status.
Ninong ug ninang
Sila si Ogie Alcasid ug Marian Rivera maoy ninong ug ninang sa ikaduhang anak nila ni Lian Paz ug Paolo Contis nga si Xalene Abriana. Bunyagan ang maong bata karong Hulyo. (BANAT NEWS)
- Latest
