CEBU, Philippines - Sold out na ang ticket sa concert ni Bruno Mars karong Abril sa usa ka dakong hotel sa Sugbo.
Gitino kini mismo sa producer sa maong concert nga si Marvin Agustin sa dihang nahinabi kini sa Cebu entertainment press niadtong Sabado sa gabii.
Philip gitangtang?
Busy karon si Philip Salvador sa seryeng Mga Nagbabagang Bulaklak sa TV 5 busa daghan ang nagduda nga mao kini ang hinungdan kung nganong wala kini imbitaha sa story conceference sa Amaya sa GMA-7 kung diin apil unta siya niini.
Pelikula ni Justin 3D
Giatngan pag-ayo ang pelikula ni Justin Bieber nga Never Say Never ug dunay espesyal nga partisipasyon niini ang usa ka grupo sa iyang mga fans didto sa Amerika.
Ubos kini sa direksyon ni John Chu ug makita na sa mga sinehan karong Marso 23 pinaagi sa 3D.
Aljur nasakitan
Giangkon ni Aljur Abrenica nga nasakitan siya sa mensahe sa iyang mga kritiko nga matud pa nga hilaw kaayo ang iyang pag-arte sa Machete.Suma pa sa aktor nga nahagit siya niini busa tarungon niya pag-ayo ang iyang trabaho.
Piolo gisaway ni Alfie
Gisaway sa manager ni Judy Ann Santos nga si Alfie Lorenzo ang pag-anunsyo ni Piolo Pascual kalabot sa pag-patungha niini og culinary sa iyang personal assistant nga si Moi Bien.Suma pa ni Alfie nga publisidad lang ang giapas sa aktor.
Pera o Bayong gibalik
Gibanhaw sa noontime show sa ABS-CBN nga Happy Yipee Yehey ang segment nga Pera o Bayong busa misamot ang nadawat nga pagsaway sa maong show gumikan kay matud pa susama na kini og format sa Magandang Tanghali Bayan kaniadto.
Nora moabot sunod adlaw?
Matud pa nga 90% ngadto sa 95% ang posibilidad nga moanhi sa Pilipinas si Nora Aunor. Kini maoy gibutyag sa higala sa super star nga si Albert Sunga.Giingong motikang usab ang aktres sa grand finals sa Talentadong Pinoy karong Marso 12 ug 13.