MANILA, Philippines - Ngayong Sabado at Linggo (Marso 5 at 6), simula na ng auditions para sa pinakabagong reality show ng GMA, ang Amazing Cooking Kids. Gaganapin ang auditions sa SM Hypermarket Fairview (Annex) simula 10:00 AM hanggang 6:00 PM.
Ang nasabing reality show ay isang cooking competition para sa mga batang amazing magluto at sobrang bibo na 9 to 12 years old.
Ipe-present ng applicants sa audition site ang kanilang precooked signature dishes, na good for two people. Kailangang dala rin nila ang kanilang birth certificate (original at photocopy) at 4 photos (2 ID pictures, 1 whole body shot at 1 close up shot).
Mula sa auditions, 12 bata ang pipiliin para makasama sa show proper.
Pagkatapos ng weekend na ito, magkakaroon ulit ng auditions sa March 12 at 13 sa SM Hypermarket Sucat, 10:00 AM hanggang 6:00 PM.
Hosted by amazing mommy, Carmina Villaroel, ang Amazing Cooking Kids ay ipapalabas ngayong April sa GMA 7.