Alicia naghubad na parang karne
MANILA, Philippines - Ibinunyag ng seksing aktres na si Alicia Mayer ang katotohanan sa likod ng malupit na industriya ng karne sa mas maraming paraan.
Ito ay dahil si Mayer ay hindi nag-atubiling sumang-ayon sa shoot ng isang bagong pro-vegetarian na patalastas o advertisement para sa People for the Ethical Treatment of Animals Asia (PETA). Sa ad, si Mayer ay hubad na nakahiga — na tila walang buhay — sa isang bakal na lamesa at katabi ng caption: “Meat Belongs in the Morgue, Not on Your Table. Go Vegetarian!”
Si Raymund Isaac ang kumuha ng litrato.
“Hinahamon ko ang mga Pilipino na pag-isipan kung ano talaga ang ‘karne,’” sabi ni Mayer. “Ang pagkain ng karne, manok at isda ay nangangahulugan ng pagkain ng bangkay ng isang pinahirapang hayop na hindi ninais ang kamatayan. Hinihikayat ko ang mga mabubuting consumer na subukan ang pagiging vegetarian.”
- Latest
