Bea ug Zanjoe aprobado ni Mariel

CEBU, Philippines - Gihimakak ni Mariel Rodriguez ang mitumaw nga report nga matud pa nga kanunay siya nga mobantay sa set sa seryeng Guns and Roses aron iyang mabantayan ang lihok sa iyang bana nga si Robin Padilla kinsa bida sa maong programa.

Matud pa niya nga kasabot siya sa trabaho sa artista busa wala siya mabalaka sa panagpares karon nila ni Robin ug Bea Alonzo sa nahisgutang serye.

Samtang malipayon si Mariel alang sa iyang ex-boyfriend nga si Zanjoe Marudo kinsa gikatahong nalambigit karon ngadto kang Bea ug dako siya nga uyon kung magkadayon ang duha.

Tsika pa sa TV host nga nahimuot sa iyang ex-boyfriend gumikan kay bukas kaayo kini sa pagpadayag sa feelings niini kang Bea.

Dugang pa ni Mariel nga nagpabilin ang friendship nila ni Zanjoe ug wala siya gadumot niini sanglit malinawon man ang ilang panagbuwag kaniadto. (Sanden J. Anadia)

Cesca todo suporta kang Echo

Misaksi gyud si Cesca Litton sa concert sa iyang ex-boyfriend nga si  Jericho Rosales niadtong Biyernes sa gabii. Nagdala pa kini og camera   ug gikuhaan niya og mga  hulagway si Echo samtang nagkanta kini sa entablado. Milantaw usab sa maong konsyerto ang pipila ka mga higala ni Echo nga sila si Alessandra de Rossi  ug  Smokey Manaloto. Daghan ang naukay  sa iyang mensahe sa dihang gikanta  niya ang “Fixing A Broken Heart”. Matud pa niya, “”Marami akong naging ex pero lahat naman sila minahal ko at minahal naman din nila ako. Pero meron namang iba na nang-iwan ng walang dahilan.”

Rufa Mae balik pagka-single

Gikataho nga  buwag na karon sila si  Rufa Mae Quinto  ug sa iyang non-showbiz boyfriend.  Ang maong lalaki  gitawag ni Rufa Mae kaniadto og  Mr. M apan nihunong na ang aktres sa paghisgot niini sukad sila nagbuwag.

Maayong oportunidad

Naka-focus na karon sa iyang showbiz career ang bag-ong male star sa GMA-7 nga si Alvin Aguilar. Nalakip si Alvin sa drama series nga Nita Negrita diin modala siya sa papel isip    boyfriend ni Lotlot de Leon. Makita usab si Alvin sa I Heart You Pare ug usa ka bouncer ang iyang karakter. Sikat nga model sa kaulohan si Alvin ug nagkadaiya na nga mga dagkong fashion shows ang iyang nasalmotan.Kini sama sa Bench Uncut (Pinoy Lab & African segment) ug Philippine Fashion Week sa miaging tuig.

Herbert mobalik sa showbiz

Misugot na si  Quezon City Mayor Herbert Bau­­tista nga mahimong kabahin sa  TV version sa  Bagets sa TV5.   Gawas ni Herbert, malakip usab sa maong proyekto ang  pipila ka mga orihinal nga bitoon sa  Bagets nga sila si  Raymond Lauchengco, Eula Valdez  ug Yayo Aguila. Samtang wala pa  makahukom si William Martinez kung moapil ba siya o dili sa nahisgutan nga TV project.

Karylle ug Billy sa Showtime

Sila si Karylle ug Billy Crawford maoy mga bag-ong hosts sa Showtime ug masaligon ang duha nga makuha nila ang simpatiya sa masa.

Justin giidolo ni Pacman

Giidolo ni Kongresista Manny Pacquiao ang international singer nga si Justin Bieber.  Magkaabot ang duha  sa umaabot nga NBA All-Star Celebrity Game.

Luis nagselos

Nagselos si Luis Manzano sa rebelasyon ni Phil Younghusband nga nakagusto kini sa iyang ex-girlfriend nga si Angel Locisn.

Ai-ai motikang sa China

Sa dili madugay,  molupad sa  China si  Ai Ai delas Alas aron himoon ang pipila ka eksena sa bag-ong serye sa ABS-CBN nga  Binondo Girl nga gibidahan nila ni Kim Chiu, Matteo Guidicelli ug Xian Li.

Paulo naghinam-hinam

Naghinam-hinam na si Paulo Avelino sa Velentine’s Day gumikan kay makauban niya sa unang higayon sa usa ka valentine’s dinner ang iyang anak nga si Aki ug ang inahan niini nga si LJ Reyes.

Promise ring nakit-an na

Puwerting lipaya ni Cristine Reyes gumikan kay nakit-an na gyud niya ang promise ring nga gihatag kaniya sa iyang boyfriend nga si Rayver Cruz. Kahinumduman nga nag-away ang duha human nawala ang maong singsing. “Nasa akin na! Nakuha na namin, nasa room ko lang pala. All the while akala ko ay nasa bag, nasa kotse, naiwan sa shooting, ’yun pala ay hindi,” nagkanayon si Cristine.