CEBU, Philippines - Miangkon na gyud si John Manalo sa tinuoray niya nga gibati ngadto sa kauban niya sa Mara Clara nga si Kathy Berondo.
“For me, she’s one of a kind,” suma pa ni John.
Aminado si Jhon nga kinahanglan nga kontrolon niya ang iyang gibate aron dili sila kiwawan sa set sa maong programa ug mosulod lang siya sa maong butang kung naa na siya sa saktong edad.
“Nangako ako sa mama ko na pag 18 ako. Fifteen na ako ngayon so three years na lang,” matud pa ni Jhon.
Samtang nakugang si Kathryn sa rebelasyon ni Jhon gumikan kay mga bata pa ang ilang pangedaron.
“Isang malaking pasabog ‘yan ngayong gabi. Nagulat ako! Kasi parang best friends po kami, since bata po kami parang magkapatid kaming dalawa. Thank you.. Alam naman po ni John na priority ko ang work ko saka school ko,” matud pa ni Kathryn.
Mitubag lang og “Tingnan po natin” ang aktres sa dihang gipangutana kung duna ba’y pag-asa si Jhon sa iyang kasing-kasing.
Willie nakagawas na sa ospital
Nakagawas na kagahapon si Willie Revillame sa St. Luke’s Hospital human sa pipila ka adlaw nga pagka-confine sa maong tambalanan.
Matud pa nga simpleng infection sa ilong ang problema karon sa TV host. Giingong natuboan diay og bugas ang ilong ni Willie sa wala pa ang iyang birthday sa miaging semana ug giingong na-infect kini.
Ningulngol kini busa boluntaryo nga midangop sa tambalanan ang TV host. Matud pa nga tataw kaayo nga mihubag ang nawong ni Willie sa iyang 50th birthday party niadtong Domingo apan naayo na kini karon.
Kasamtangan dili makita si Willie sa Willing Willie gumikan sa iyang kondisyon. Mopahulay una ang TV host sa ilang balay sa Ayala Heights ug padayon gihapon ang pagtumar niya og antibiotic nga gireseta sa iyang doktor.
Nasayran nga sunod –sunod na ang giatubang nga suliran ni Willie. Kahinumduman nga duha na ka tuig ang milabay, naospital usab ang TV host gumikan sa sakit sa kasing-kasaing. Nasagubang usab niya ang nagkadaiyang kaso sa korte human mibalhin siya sa TV 5 gikan sa ABS-CBN.
Busy usab si Willie human siya’y nangunay paghupot sa iyang Wil Productions.
Sam nataypan ni Taylor
Si Taylor Swift mismo maoy mipili kang Sam Concepcion aron mamahimong front act sa iyang concert sa Araneta Coliseum karong February 19.
Matteo “basted” ni Maja
Dunay gimugna karon nga pelikula ang Star Cinema nga giulohan og “Basted.” Bida sila si Matteo Guidecilli ug Maja Salvador sa direksyon ni Enrico Santos. Apil pud ang banda nga 3AM, pero wala pa masayri kanus-a niining tuiga kini ipasalida.
KC-Sam movie go na!
Nag-story conference na niadtong Miyerkules sila si KC Concepcion ug Sam Milby para sa pelikula nila ubos sa Star Cinema. Si direk Cathy Garcia-Molina maoy mugama niini.
Nash nahigugma ni Toni
Sila si Toni Gonzaga ug Nash Aguas ang pambato sa MMK episode ugma puhon sa gabii. Magtuki kini kabahin sa gintang sa edad sa duha ka mga binuhat nga nagkahigugmaay.
Nanumpa si Ogie
Oath taking ni Ogie Alcasid kagahapon didto sa Malacanang isip convenor sa People Power Celebration.
Naglibog sa kurso
Tourism ug Culinary Arts ang gipilian ni Julia Montes nga iyang kuhaon sa kolehiyo. Ang kontrabida sa top rating serye Mara Clara graduating na sa high school.
Nagparehab na uy!
Gihimakak ni Arnold Vegafria ang nanggawas nga taho nga giilad ra nila ang publiko tungod kay wala diay magpa-rehab si Baron Geisler. Matud niya, siya mismo ang mihatag sa iyang talent sa treatment facility nga dili niya mahimong ibutyag ang nahimutangan.
Kinsay mas ngilngig?
Magtigi sila si Princess Punzalan ug Cherrie Gil sa aktingan sunod semana sa Untold Stories episode sa TV5. Istorya sa duha ka babaye nga nag-ilog sa usa ka lalaki ang ilang hatagan og kinabuhi.
GMA News TV musulbong na!
Ang mga haligi sa news and public affairs sa Kapuso Network nga sila si Jessica Soho, Mike Enriquez, Mel Tiangco, Arnold Clavio, Vicky Morales ug Howie Severino maoy mangulo sa umaabot nga GMA News TV nga maoy muhulip sa QTV 11.
Lakip pud sa mga personalidad nga maaninaw sa diili madugay sila si Kara David, Prof. Winnie Monsod ug Philippine Center for Investigative Journalism (PCIJ) Executive Director Malou Mangahas.
Samtang sila si Sheila Coronel sa Columbia University, Newsbreak’s Marites Vitug ug Ed Lingao sa PCIJ malakip isip advisers alang sa investigative documentaries.
Lakip sa mga shows nga sigurado na mao ang State of the Nation, newscast nga dumalahon sa Peabody winner nga si Soho. Samtang mulingkod sa morning newscast sila si GMA News Online Editor-in-Chief Howie Severino ug lain pud nga Peabody winner nga si Kara David. Lawom nga pagtugkad matud pa sa mga nag-unang isyu ang makita sa maong mga shows.