Birthday kahapon ni dating Pangulong Cory Aquino at shocking isipin na isinabay sa kanyang kaarawan ang pagpapasabog sa isang bus na bumibiyahe sa Edsa.
Nakakaawa ang mga inosenteng biktima na namatay at nasaktan.
May presscon kahapon ang Miss World Philippines sa Makati Shangri-la Hotel kaya naapektuhan ng matinding trapik sa Edsa dahil sa naganap na pagsabog ang mga showbiz reporter na dumalo sa presscon.
Sunud-sunod ang mga nega news tungkol sa ating bansa dahil sa mga kaso ng carjacking, murder, at pagsabog kahapon.
Mabilis na nalaman sa buong mundo ang trahedya na nangyari dahil sa mga litrato na agad na na-post sa Twitter at Facebook.
pinky webb ang sipag mag-interview
Ang sipag-sipag ni Pinky Webb dahil nainterbyu niya kaagad ang driver at konduktor ng Newman Goldliner, ang bus na pinasabog kahapon sa Edsa.
Naniniwala ang driver ng bus na sinadya na pasabugin ang sasakyan na minamaneho niya dahil nakaamoy siya ng pulbura. Wala raw mechanical failure na nangyari sa bus na galing sa Baclaran at papunta sa Fairview.
My Valentine Girls na-over budget
Aminado si Mother Lily Monteverde na nag-over budget ang My Valentine Girls pero okey lang sa kanya para sa lalong ikagaganda ng Valentine movie ni Richard Gutierrez.
Mahirap hulaan ang kuwento ng My Valentine Girls dahil trilogy ito pero may koneksiyon ang bawat episode na pinagbibidahan nina Rhian Ramos, Lovi Poe, Solenn Heussaff at Eugene Domingo.
Bilib ako sa fighting spirit ni Eugene dahil pumayag siya na magsuot ng one piece sa isang eksena nila ni Richard. Dedma rin si Eugene habang halos mag-hello ang kanyang boobs dahil sine-seduce nga niya si Richard.
Sa mga kapareha ni Richard sa My Valentine Girls, si Eugene ang pinakalugi dahil take one lang ang kanilang kissing scene.
Gelli de Belen co-host na sa Tweetbiz
May pictorial kami bukas para sa Tweetbiz at makaka-join namin ang bagong co-host na si Gelli de Belen.
Mapapanood na rin sa Tweetbiz si Gelli na hindi baguhan sa hosting dahil matagal siya na naging co-host ng SIS.
Welcome addition si Gelli sa aming daily show sa QTV dahil bilang artista, marami siyang puwedeng i-contribute na showbiz news sa Tweetbiz.
Alfie at Gorgy magkasunod ang birthday
Birthday ngayon ni Alfie Lorenzo at may party siya mamayang gabi sa Imperial Palace Suites, courtesy of Mother Lily Monteverde.
Inaabangan ang pagdating ni Judy Ann Santos na hindi pa nakikita ng publiko mula nang manganak siya noong October 2010. Happy birthday Alfie!
Birthday din ngayon ni Gorgy Rula na umuwi ng probinsiya para makasama ang kanyang pamilya sa kaarawan niya. Happy birthday Gorgy! (Happy birthday ateng and Tito Alfie. - SVA)