TRUE: Nagkabati na sina Ruffa Gutierrez at Kris Aquino nang magkita sila sa Opus nung nakaraang Biyernes.
Kasama ni Kris sina AiAi delas Alas at Diether Ocampo. Si Ruffa naman ay si Tim Yap. Pinagtabi sila ni Tim at pinagbati silang dalawa at okay na.
Ayaw lang nilang gawing malaking isyu, basta okay na raw sila kahit hindi ganun kadaling maibalik ang dating magandang friendship.
Kahit sina Raymond Gutierrez at Heart Evangelista ay nagbeso rin nang magkasalubong sila sa Party Pilipinas nung nakaraang Linggo.
Ayaw na rin nilang pag-usapan at gawing malaking isyu, ang mahalaga wala na raw away at okay na sila.
TANONG : Okay nga ba kay Ogie Alcasid na magpa-artificial insemination na si Regine Velasquez para mabuntis ito?
Wala namang tutol si Ogie sa ganung proseso dahil aminado naman siyang hindi na sila kabataan kaya kung kinakailangan na ng tulong ng siyensya, okay na rin sa singer-songwriter.
Kung hindi sila makabuo ngayong taon, kailangan meron na sila sa susunod na taon. Sana ipag-adya ng Panginoon na mabigyan sila ng kahit isang supling.
TOTOO KAYANG tuluyan nang naghiwalay sina Meryll Soriano at Joem Bascon? Bago umalis patungong London si Meryll para doon mag-aral, tinapos na rin nito ang relasyon nila ni Joem.
Pero ang issue, matagal na pala silang nagli-live in pero bago umalis si Meryll ay lumipat na si Joem sa isang condo unit.
TSIKA LANG: Kilig na kilig si Frencheska Farr na ikinuwento sa amin na nakapagpa-picture siya sa sikat na Taiwanese actor na si Jerry Yan.
Isa si Frencheska sa binigyan ng parangal ng Asian Model Festival sa Seoul, Korea nung nakaraang linggo kasama si Aljur Abrenica.
Bukod sa awarding na ’yun, pinakanta pa si Frencheska kaya tsika ni Aljur, nakita niyang matagal na nakatitig si Jerry kay Frencheska.
Mailap sa mga nagpa-picture ang kilalang Taiwanese actor pero nang lumapit si Frencheska at nagpakilalang isa siyang Pinay, kaagad na nagpa-picture sa kanya si Jerry.
Ang nakakaloka lang, naiwan ang ilang bagahe ni Frencheska sa Korea at nandun ang camera nito. Kaya hindi pa niya maipakita sa amin ang litrato nila ni Jerry. Ipapadala naman dito sa Pilipinas kaya hintayin na lang natin.