CEBU, Philippines - Gikasal na si Roxanne Guinoo ug Elton Yap niadtong Domingo sa buntag.Sama sa una nang gikataho ang principal sponsors naglakip nila ni TV host Boy Abunda, Dra. Vicki Belo ug Maricel Soriano.
Gretchen ug Sam Milby na pud
Si Gretchen Barreto ang gikatahong umaabot nga leading lady ni Sam Milby sa usa ka teleserye ug sugdan na pud matud pa ang Star Cinema movie niya pares si KC Concepcion.
Vice nag-record na og album
Kasamtangan nang nag-record og album si Vice Ganda ubos sa Vicor Records.
Tim Yap ViVA na!
Certified Viva Artist na ang eventologist ug Philippine Star Supreme editor nga si Tim Yap.
Nagkita na si Mariel ug Toni?
Si Pepsi Herrera ang gikatahong designer sa wedding gown ni Roxanne Guinoo. Sila si Mariel Rodriguez, Regine Angeles ug Charlene Gonzalez ang lakip sa secondary sponsors. Mitambong pud sila si Angelica Panganiban, Jomari Yllana, Ara Mina ug Toni Gonzaga.
Sarah naglikay ni Rayver ug Cristine
Shooting matud pa ang rason nganong wala si Sarah Geronimo sa “ASAP Rocks” Iloilo episode niadtong Domingo. Pero usa ka insider ang miingon nga gipalikay na lang pud si Sarah kay didto ra ba sila si Cristine Reyes ug Rayver Cruz.
Anna Maris judge sa final screening
Mulupad paingon sa Manila karong Sabado si 2006 Bb. Pilipinas-World Anna Maris Igpit aron mulingkod isip usa sa mga judges sa final screening sa mga kandidata sa Bb. Pilipinas 2011 pageant. Kini human usab nag-uli na sa maayong kabubut-on sila si BPCI Chairperson Stella Marquez Araneta ug 2005 Miss International Precious Lara Quigaman.
Lara ug Stella okay na
Nagkahiubsanay ang grupo nila ni Precious Lara ug Stella Araneta niadtong 2009 human nagmugna si 2005 Miss International og kaugalingon niini nga pageant nga gitawag niya og Turismo Pilipina. Kauban niya niining maong mugna ang kanhi beauty queens nga sila si Karen Loren Agustin, Denille Lou Valmonte, Maggie Wilson ug Anna Maris Igpit.
Geoff Ug Carla magbalik
Subling magpares sila si Geoff Eigenman ug Carla Abellana. Sila maoy mga bida sa “Magic Palayok,” nga maoy ihulip sa “Bantatay” nga mahuman karong February 26.