Baron nangayog pasaylo, magpa-rehab!

CEBU, Philippines - Kaduha nangayo og pasaylo ang kontrobersyal nga aktor nga si Baron Geisler kang Cherry Pie Picache ug sa showbiz industry kagahapon.

Una, mi-guest siya sa programa ni Karen Davila sa ANC, ang Headstart, diin iyang giangkon nga hubog siya atol sa taping nila sa teleserye nga Noah ug nga dismayado siya niadtong tungora.

Kagahapon sa udto sa presscon nga gipasiugdahan sa iyang manager nga si Arnold Vegafria, subling nangayo og pasaylo si Baron.

Pero sa Headstart gyud siya mas daghan og rebelasyon. Apan bisan nangayo og pasaylo, gibarugan gihapon ni Baron ang una niyang pamahayag nga nada lang siya sa iyang character sa Noah, kun ugaling nabastos man gyud niya ang beteranang aktres.

"You know, I do not want to talk about that anymore," bukas ni Baron sa interview ni Karen kaniya.

"But I would like to apologize to Miss Pie. If I touched her or grabbed her in any way na she felt violated or offended, I'm very sorry, Miss Pie.

"I was just doing my job po. I have no intention to put you in that position or to make you feel that way na ma-offend po kayo.

"I'm very sorry, Miss Pie," sunod-sunod nga pamahayag ni Baron.

Hubog tungod ni Brillante

Samtang gibutyag ni Baron nga naghubog siya human siya nasayod nga wala na siyay apil sa international movie nga gihimo karon sa award-winning director nga si Brillante Mendoza, nga isalmot sa Cannes Film Festival. Suma pa niya dismayado kaayo siya tungod kay gipangandaman niya og maayo ang iyang role isip Abu Sayyaf member, ug kalit lamang siyang gitangtang. "You know, I just felt angry that they didn't give me the chance to do it because that's my dream project. Kasi dadalhin sa Cannes,” nagkanayon siya.

Dugang niini, nasayran pa gyud niya nga tangtang na ang iyang character sa Noah.

Jodi ug Rehab

Gibutyag ni Baron ngadto kang Karen nga 14 years old pa siya dihang nagsugod siya og inom og ilimnong makahubog, ug misamot ni dihang nagbuwag sila ni Jodi Santa Maria, nga karon minyo na ngadto kang Pampy Lacson, anak ni Senator Panfilo Lacson.

Sunod semana, mupailawom si Baron og 90-day rehab aron masulbad ang iyang pagka-alcoholic nga maoy hinungdan sa daghang kontrobersiya ug eskandalo nga nalambigitan niya sa showbiz.

"I believe during my 90-day rehab, I believe I will do everything to really absorb everything and to understand myself, and to understand my demons, my problems, 'cause I really want to change. "I'm not doing this para makabalik ako sa showbiz. I'm not doing this para i-forgive ako ng mga tao. I'm doing this to forgive myself and just to love myself more and to take care of myself,” nagkanayon siya.

Kinsay partner ni Marian?

Hapit na makapili og pares ni Marian Rivera para sa epic serye nga Amaya ang GMA-7. Sa labing uwahi nga audition, tulo na ang miabot sa punto nga gipasul-ob na og bahag. Usa niini matud pa apo ni Vic Silayan nga model. Ang ikaduha taga La Salle ug usa pud ka model. Ang ikatulo maoy maka intriga kaayo matud pa ni Nitz Miralles nga kolumnista sa Pilipino Star Ngayon tungod kay taga laing network ug aktibo pa ang mga shows niini.

Nyoy mipakitag resibo, nakabayad na

May mga resibo nga gipakita si Nyoy Volante nga mumatuod nga dili tinuod ang pamahayag sa soul siren nga si Nina nga wala gyuy nabayad ang mga ginikanan sa singer “ni singko” sa P1.4m nga utang ngadto sa dalaga. Suma pa ni Nitz Miralles, kolumnista sa Pang-Masa, ang usa ka resibo nga may date nga July 2008 may nasuwat nga P300,000 ang gibayad sa mga ginikanan ni Nyoy. Suma pa ni Nyoy mga P100,000 na lang matud pa ang kuwang nila ngadto kang Nina.

Kristoffer ug Joyce nadutlan na

Labihan na matud pa kasuod karon sa Tween Hearts stars nga sila si Kristoffer Martin ug Joyce Ching, ug ang tsika dili na kinahanglan pa nga pormal nga manguyog ang bayong bayong ngadto sa dalagita. Pero sa ilang next project dili na sila maoy magpares. Si Joyce malakip na sa Koreana, samtang si Kristoffer maoy pares ni Lexi Fernandez sa Nita Negrita nga bituonan matud pa nila ni Joshua Dionesio ug Barbie Forteza.

Sarah ug Martin walay rehearsal

Wala pay klarong rehearsal sila si Sarah Geronimo ug Martin Nievera para sa umaabot nga What Love Is Valentine concert nila sa Araneta Coliseum sa February 12 tungod kay tua pa sa Amerika ang Concert King. Wala maghisgot si Martin kanus-a siya mubalik sa Pilipinas. Pero matud ni Sarah ngadto kang Nitz Miralles, kolumnista sa Pilipino Star Ngayon, wala siya mabalaka tungod kay maayo kaayo nga performer si Martin.

Pag-sure Jewel uy!

Nangayo og pasaylo si Jewel Mische sa makalibog nga pamahayag niya kabahin nila ni Richard Gutierrez. Suma pa niya sa latest interview sa mga reporters, single matud pa siya ug mahimo nang makig-date. “What I really meant when I said that my love life is alive is that it is really alive because I am free. I am free to go out, I am free to date, so that’s all about it.”