MANILA, Philippines - Sinipa ng Petrang Kabayo ang lahat ng kalaban nito sa takilya nang ipalabas ito. Ngayon, ang pelikulang pinagbidahan ni Vice Ganda sa direksiyon ni Direk Wenn V. Deramas ay paulit-ulit mo nang mapapanood sa video. Kasama sa cast sina Luis Manzano, Sam Pinto, Candy Pangilinan, DJ Durano, John Arcilla, Tom Rodriguez, Makisig Morales, Eagle Riggs, Abby Bautista, Ms. Gloria Romero at Eugene Domingo.
Si Vice Ganda ay gumaganap bilang Peter Kasimsiman. Pinagmalupitan ng ama, lumayas siya at nakilala ang isang mabait na haciendera na si Helena. Kinupkop siya nito at sa unang pagkakataon, naramdaman ni Peter ang pagmamahal ng magulang. Sa kanya rin ipinamana ang hacienda. Pero si Peter ay biglang sumungit sa mga empleyado. Ang hindi niya alam ay sinusubaybayan siya ng makapangyarihang diyosa ng mga kabayo na si Diobayo. At sa tuwing nagpapakita ng kalupitan si Peter, sinumpa niya ito na maging kabayo na tatawagin ng lahat bilang Petra. Puno ng kakulitan at katatawanan, ang kuwento ay mayaman din sa aral.
Mag-uwi na ng kopya ng Petrang Kabayo at humalakhak kasama ang buong pamilya. Mabibili ang original na VCD sa halagang P299 at DVD sa halagang P600. Mula sa Viva Films.