Starting the year right

CEBU, Philippines -  Happy New Year mga Ka Tribung BisChikadora! Hugyaw ta mo nga na miss kay pila pud ka Domingo nga wala tamo nakauban, pero wala ka na nagpasabot nga gikalimtan tamo mga BisChikadora. Gani, puno sa kalipay ang akong kasingkasing karon nga mag-uban napud kita karong adlawa. Tungod kay gimingaw man ko ninyo mangumusta una ko sa inyong pagsaulog sa inyong Pasko ug unsa ang inyong New Year’s resolution? Salamat sa Ginoo kay halos tanan nakong mga kinugos akong natagaan—ako gyud mismo ang namalit og regalo bitbit ang listahan. Katong wala pa kadawat, ayaw kaguol mga anak kay naa ra, medyo busy lang ko sa gamay nga butang—ang pag exercise! Ang akong Pasko kay simple ra kaayo; misimba ko unya pag alas 12 sa tungang gabii lafangan dayon mi with my family. Pagkahuman sa usa ka oras niadto ko sa akong mga gay’s unlimited friends para maglingawlingaw. Pagkaugma niana sleeping beauty kaayo ko nga naghuwat sa akong prinsipe pero wala man naabot oi… para mohalok nako ug mahigmata ko sa lawom nga paghikatulog… ang ending kay mimata ko ug milafang napud..hahahahahahhaha!!!!

Pero ang akong pagsugat sa Bag-ong Tuig mao ang  hugyaw kay sa unang higayon wala ko sa  amoang gamay nga payag para moambak, magsabasaba gamit ang kaldero ug moilog sa sinsiyo gikan sa akong Mama Bing. Kay ngano? Ang inyong Yur’s truly nag-working girl ang drama, kay karung tuiga ang Entertainment TV ang  mi-handle sa GMA 7 Cebu New Year’s Countdown nga diha nahitabo sa Marco Polo Plaza Hotel. Infairness, ako unang gibuhat ang akong mga bulohaton, misimba ko sa 12:15 PM sa December 31, sa Santo Rosario Church kauban ang atong Hugyaw editor nga si Ryan Mark. Mura mi og ga-date kay pagkahuman nanglibre si Ryan og lunch then naglaroy-laroy mi sa usa sa mga mall sa dalan Colon unya gibati mi og ka bata nangaon mi og ice cream sa fast food chain (nga ikaw napud maoy nanglibre—RM). Daghan mi og na-BisChikahan apil na niini kung unsa ang among New Year’s resolution, sa among mga anak, (mga anak gyud? Hehehe ) ug lovelife! Unsaon?

Pagkahuman, nagbuwag mi, ako pauli sa akong boarding house kay nag beauty rest ko mga pila ka oras para abtik pagsugat sa bag-ong tuig.  Pagkagabii, toa na ang mga aksiyon para sa among countdown, kauban ang mga kinakusgan nga technical crew sa GMA ug ang ETV staff, ang among Station Manager nga si Ms. Ann Marie Tan, ang powers ni Gerome Tigley ug Annie Torres, of course ang shofa kaayo nga host namo nga si Anna Maris Igpit—nabuhat namo ang  tanan kung unsa ang angay nga mahitabo. Ang drama kay Serbisyong Totoo, pero sa tinuod lang nindot ang feeling nga among gibuksan ang among tuig og trabaho. Busa karong tuiga wala ko nakahibalo kung unsa ang mahitabo sa akong personal life ug sa akong career basta maningkamot, duyugan og kakugi ug pangsangpit ni Lord lang gyud kay ang tanan posible. Ang importante lang mga BisChikadora kay bag-ong tuig karon, bisan sa mga ginagmay nga paagi duna kitay bag-uhon ug dunay magpabilin kanang nindot nga mga kinaiya nga naa nato. Laumi ninyo ang inyong Yur’s truly magpabilin diha lang gyud kaninyo kay sa tinuod lang dili tungod ninyo wala ko diri sa Banat Hugyaw. Gikan sa akong kasingkasing nga nag-uros-uros... Daghang Salamat sa katuigan nga inyo kung gipadayon sa inyong tagsa tagsa ka panimalay pinaagi sa pagbasa sa inyong Banat Hugyaw...BisChika!!! Ang akong isaad kaninyo mga BisChikadora nga kamo ang mag-una sa mga BisChika nga masagap sa inyong ...BisChikador Yuri... I love you all!!!!

Belated Happy Birthday to Jessa Chrisna Marie Jala Agua, Jessa Romagos, Gretchen Sy ug Mama Bingbing... More birthdays to come ug kahimsog lang gihapon sa mga katuigan pa nga muabot.