3D ang pilot sa CB?

CEBU, Philippines - Kung walay kausaban sa plano, makita matud pa ang pilot episode sa Captain Barbell ni Richard Gutierrez sa GMA-7 pinaagi sa 3D sunod tuig. Pwes, kung mahinayon, si Richard maoy labing unang artista nga makasinati og 3D format ang teleserye sa Philippine television. Samtang kagahapon matud pa ang unang taping day ni Richard sa Captain Barbell, ug karong adlawa ang iyang first shooting day kauban si Eugene Domingo alang sa Suddenly It’s Magic, ang trilogy Valentine movie sa actor.

Sid lig-on gyud para sa award

Tsika sa kolumnista sa Pilipino Star Ngayon Nitz Miralles, angay atangan ang eksena nila ni Ricky Davao ug Sid Lucero sa MMFF entry nga Rosario tungod kay matakla gayud matud pa ang tumatan-aw gumikan sa kamaayo sa young actor mu-arte. Gani, dili gyud matud pa kahibudngan kung mudaog si Sid isip best supporting actor pinaagi sa maong epic movie nga gibituonan ni Jennylyn Mercado. Samtang matud pa ni Sid ngadto kang Nitz, bisan og nagbida na siya sa pelikula, musugot gihapon siya og supporting role, hinungdan nga midawat siya sa international movie nga Prey, ubos sa direksyon ni Brillante Mendoza, diin French actress ang pares ni Sid. Abu Sayaff si Sid sa maong pelikula, ug siya maoy hulip kang Coco Martin.

Joshua nahugyaw ni Bossing

Gikuyawan, apan sa samang higayon naghinamhinam matud pa sa iyang mga eksena si Joshua Dionesio sa Si Agimat at Si Enteng diin kauban niya si Vic Sotto. Sidekick siya ni Vic sa maong MMFF entry hinungdan nga feel kaayo niya, apan nakuyawan pud siya tungod kay unang higayon nga nakauban niya si Vic sa usa ka proyekto.

Mart tua na sa TV5

Tungod kay wala nay project sa GMA-7, gipa-release na ni Popoy Caritativo ang iyang talent nga si Mart Escudero sa GMA Artist Center. Tsika ni Nitz Miralles, kolumnista sa Pilipino Star Ngayon, sa TV5 gidala ni Popoy ang iyang talent ug gikatahong malakip kini sa cast sa Babaing Hampaslupa.

Carlo apil sa Babaing Hampaslupa

Pasok pud si Carlo Aquino sa cast sa Babaing Hampaslupa kinsa katapusang nakit-an pud sa mga shows sa GMA-7, human siya mibiya sa Star Magic ug nagpasakop sa Viva Artist Agency. Suma pa nga tukma kaayo ang pagkalakip ni Carlo sanglit maayo man siya nga actor ug giingong heavy drama ang nahisgutang serye nga comeback project ni Alice Dixon. Apil pud niini si Alex Gonzaga nga matud pa paresan ni Alywyn Uytingco, diin si Eric Quizon na ang director.

Lara labing bag-ong mermaid

Mermaid ang role ni Precious Lara Quigaman sa iyang umaabot nga launching serye sa ABS-CBN, ang Pablo Gomez Presents: Mutya. Siya maoy ikaduhang beauty queen nga gihatagan og break sa Kapamilya network, human pud sa kalampusan ni Pamela Bianca Manalo sa Juanita Banana. Ang mibalik ABS-CBN nga si Alfred Vargas ang leading man ni Lara. Kahinumduman nga niadtong 2004 top rating ang teleserye ni Claudine Barreto nga “Marina” diin usa siya ka kataw.

Liz Uy nagkabuang og lihay

Gitapuk-an ug na-tense ang dagway ni presidential stylist Liz Uy dihang gitapuk-an siya sa entertainment press atol sa premiere night sa pelikulang Dalaw ni Kris Aquino niadtong Sabado. Gidumog siya pero, abtik kaayo siyang nakalihay sa press ug igo lang miingon nga ang ABS-CBN executive nga si Deo Endrinal maoy iyang kauban sa maong event.

Presidente Noy gibuking na pud ni Kris!

Gikumpirmar kagahapon sa TV Host nga si Kris Aquino nga dunay bag-ong ka-date ang iyang igsuon nga si Presidente Benigno "Noynoy" Aquino III, ug kini mao ang stockbroker nga si Len Lopez sa Deutsche Bank.

"Kasi kagabi (Domingo sa gabii) pinakilala niya na sa amin ang dini-date niya, sa kanyang mga kapatid na babae. I was so impressed. And ito I'm sure hindi magagalit si Noy, ang payat, my God! Talagang kasing payat ni Kim Chiu and very elegant," nagkanayon si Kris sa dihang giinterview kini sa programa sa dzMM nga “Tambalang Failon at Webb.” Masaligon hinuon si Kris nga dili masuko si Noynoy kaniya kabahin sa bag-o niya nga rebelasyon "I said nice things, di ba? So he'll be happy. And I love him so much. I want Noy to be happy. Kasi kahapon habang nanonood kami ng ‘Dalaw’ nararamdaman ko ang bigat na dinadala niya kasi doon ang time na pumapasok ang text na nangyayari sa Cagayan Valley (sunog)," dugang pa sa TV host.

Nagkanayon si Kris nga    wala motambong si Lyn sa premiere sa pelikula niya nga Dalaw aron malikayan ang mga intriga.

Sakop si Lyn sa sikat na kaayo nga Lopez Clan ug bestfriend usab kini ni Luli Arroyo-Bernas, ang anak ni kanhi Presidente ug karon Kongresista Gloria Macapagal-Arroyo.

Una na nga migawas sa Philippine Star sa miaging buwan ang hulagway nga nagkuyog sila si Presidente Aquino ug Lyn sa usa ka party ug maoy rason nga mibuto ang maong balita.

Glee Breakout Star

Darren Criss mapasigarbuhong Cebuano!

Dunay dugong Cebuano ang labing bag-ong Pinoy nga nasulod sa sikat nga musical series didto sa Amerika nga Glee, nga si Darren Criss.

"My mom is Cebuano, she’s Spanish, Chinese. My father is very, very white. I’m not like full Filipino but definitely I have many parts of me that are. My family’s Filipino. My family’s in the Philippines. It's our culture and heritage that I've always been proud of, simply because it's such a cool place. And my friends who are Filipinos are the coolest," nagkanayon si Criss ngadto sa ABS-CBN News.

Tsika pa ni Darren nga nagdako ang iyang inahan dinhi sa Sugbo ug gusto niya nga mahimamat niya ang uban niya nga kabanay sa gikatakda niya nga pagtikang dinhi sa Pilipinas sulod niining semanaha alang sa pipila niya ka musical show.

"I'm very excited. I was there 2 years ago for my cousin's wedding in Makati and I'll be there playing some mall shows. I'm very, very excited and happy to be back," nagkanayon si Darren

Pipila sa gikanta ni Darren sa Glee mao ang sikat nga awit ni Katy Perry nga "Teenage Dream" .

 Sa pagbalik ni Darren sunod tuig, adunay tsansa nga iyang makatrabaho si Charice Pempengco.

"I would hope to meet her, if not just to congratulate her in all her success. She's just fantastic. Strictly as a fan, hopefully I get to do something with her in some capacity, if it's just to shake her hand or sing with her, I'll take either," dugang pa niya.

Nasayran nga bata pa lang si Darren, mahiligon na gyud siya sa pagkutingkuting og mga musical instruments.