MANILA, Philippines - Parehong umaasa ang mag-bestfriend na sina AiAi delas Alas at Eugene Domingo na mananalo ng award para sa pelikula nilang Ang Tanging Ina Mo, Last Na ‘To na entry sa Metro Manila Film Festival.
Bukod sa trophy, nag-iipon din ang magkaibigan ng malaking pera para makapag-prodyus ng pelikula na sila rin ang bida.
Samantala, sinabi ni AiAi na walang pressure dahil tiyak siyang kikita ito sa takilya.
‘‘Basta’t kagustuhan ng nasa Itaas hindi ka Niya pababayaan. Bumabagyo nang ipalabas ang Tanging Ina noon, signal #3, pero tumiba ito sa takilya. Naging blockbuster,’’ pag-alala niya.
Ikaapat na sequel na ang Tanging Ina Mo, Last na To at kung magkakaroon ng follow-up due to insistent public demand ay tatawagin itong Ang Tanging Ina Mo, Last na Last na Talaga ’To.
***
Kahit sosyalera si Solenn Heussaff ay gusto niyang mapalapit sa puso ng masa.
Anong paghahanda ang ginagawa ng magandang baguhang aktres sa pagpasok sa showbiz?
‘‘Kailangang matuto akong magsalita ng Tagalog kaya nagbabasa ako ng Tagalog magasin at komiks. Kailangan din akong mag-undergo ng acting workshop,’’ sey ni Solenn.
Nakalinya na ang tatlong pelikulang gagawin nito sa Regal Entertainment kaya excited na siya. May Valentine project sila ni Richard Gutierrez.