Gary at Charice 'makikipag-compete' kina Martin at Sarah
Tama ba ang balitang magkakaroon ng concert sa January 2011 sina Gary Valenciano at Charice? Sa Open Concert Grounds daw ng MOA gagawin ang concert na kung totoo, mapi-preempt ang February 12, 2011 pre-Valentine concert nina Martin Nievera at Sarah Geronimo.
Nag-text kami kay Angeli Pangilinan-Valenciano para kumpirmahin ang nabalitaan namin, pero hindi ito sumagot.
Anyway, may presscon daw for the said concert next week, tingnan natin kung totoo ito o tsika lang.
* * *
Nabigyan kami ng copy ng librong Noynoy’s Sisters na ang nakasulat na copyright ay ang mga kapatid ni P-Noy na sina Ma. Elena Aquino-Cruz, Aurora Corazon Aquino-Abellada, Victoria Elisa Aquino-Dee, at Kristina Bernadette Aquino.
Si Pinky ang nagsalita kung bakit nila nagawang magkakapatid ang libro at may kanya-kanyang chapter sila na iba’t iba ang ikinukuwento. Marami ring pictures ang kasama sa libro na ang karamihan ay ngayon lang makikita.
Hindi kami sure kung for sale ang libro dahil sabi ni Pinky, perfect gift ito for Christmas for their friends, lalo na ang mga nakatulong sa kampanya ni P-Noy.
Samantala, tinatapos na ni Kris ang dubbing ng pelikula niyang Dalaw na entry sa Metro Manila Film Festival. Very proud si Kris sa kinalabasan ng pelikula.
* * *
Narinig ni Vicky Morales ang sinabi ni Richard Gutierrez na honored itong makatrabaho siya dahil silang dalawa ang main hosts ng Puso ng Pasko Artista Challenge. Agad nitong kinorek ang actor dahil mas honored daw siyang makatrabaho ito dahil hard working at laging take one sa taping. Panoorin daw ang reality show starting December 6. after 24 Oras.
Kuwento pa ni Vicky, nang malaman niyang si Richard ang kanyang makakasama, umoo agad siya. Gusto rin niya ang concept ng reality show na parang Wish Ko Lang meets Survivor Philippines.
Samantala, kapag hindi n’yo napanood sa Saksi si Vicky, ibig sabihin natuloy ang pinaplano niyang bakasyon after 20 years na laging nagtatrabaho tuwing Pasko. Uunahan niyang magpaalam si Arnold Clavio na laging nauunang magpaalam magbakasyon sa kanya.
Kinumpirma pala ni Vicky ang tsikang lawyer ni Willie Revillame ang father-in-law at husband niyang si Atty. King Reyno sa kaso nito laban sa ABS-CBN. Biro ni Vicky, galit siya sa husband niya dahil ang client nito ay tinapatan ang Wish Ko Lang niya. Hindi raw nila pinag-uusapan sa bahay ang kaso ni Willie.
* * *
Ipinakita ang teaser ng shows ng TV5 for 2011 sa Christmas Party for the press at karamihan ay co-produce ng Viva Entertainment. Nagulat kami dahil ang Bagets na akala natin sa ABS-CBN mapapanood bilang TV series, sa TV5 na pala.
Gagawin ding series ang P.S. I Love You at ilu-launch ang bagong love team ng TV5. Series na rin ang Humanap Ka Ng Panget at Ang Utol Kong Hoodlum nina JC de Vera at Jasmine Curtis, sister ni Anne Curtis.
Si direk Carlo J. Caparas naman ang katulong nila sa Bangis at tear-jerker na Limang Daliri ng Diyos. Ibabalik ng APT Entertainment ang Iskul Bukol na bida raw sina Ryan Agoncillo, Sam YG, at Kean Cipriano. Bakit hindi na lang sina Ryan, Oyo Sotto, at Keempee de Leon ang ginawang bagong Tito, Vic, & Joey?
Ang Babaing Hampaslupa ni Alex Gonzaga with Alice Dixson lang yata ang station produced at franchise naman ang Extreme Makeover Home Edition.
- Latest
