Gov. Vi dinagsa ng gaka

May common denominator kami ni Batangas Governor Vilma Santos at nag-realize ko ito kahapon sa kanyang Thanksgiving party para sa entertainment press.

Pareho kami ni Mama Vi na maraming hindi mga kilala sa mga reporter na dumating kahapon.

Saksi ka Mama Salve nang maloka ako dahil dinagsa ng mga gate-crasher ang Thanksgiving party ni Mama Vi.

Pero welcome ang lahat as in kasali rin ang mga gaka sa raffle.

Matagal na ako sa showbiz pero nagmukha akong baguhan kahapon dahil hindi ko nga knows ang mga “special guest” na biglang umapir sa Annabel’s Restaurant na nagmistulang maliit na venue, porke dinagsa nga ang party.

Suddenly at Puso... Nag-pictorial na!

Nag-pictorial noong Huwebes ng gabi sa studio ng Regal Films sa Valencia ang cast ng Suddenly, It’s Magic.

Si Richard Gutierrez ang lead actor ng Suddenly, It’s Magic at ito ang Valentine movie ng Regal Films sa 2011.

Trilogy ang pelikula kaya tatlong aktres ang kasama ni Richard sa pictorial, sina Lovi Poe, Solenn Heusaff at Eugene Domingo.

Nakipagtalbugan si Eugene kina Solenn at Lovi dahil nakabuyangyang ang kanyang dibdib sa pictorial. Parang gustong ipa-feel ni Eugene kay Richard na may asim pa siya, kahit puwede na niyang maging anak o pamangkin ang kanyang kapareha sa pelikula.

Nag-pictorial din sa studio ng GMA 7 noong Huwebes ang mga celebrity contestant ng Puso ng Pasko.

Ang Puso ng Pasko ang reality show ng News & Current Affairs ng Kapuso network. Kilala ko na ang mga celebrity contestant pero hindi ko muna sasabihin ang kanilang mga name para hindi mawala ang excitement sa show na magsisimula sa December 6.

Charice inawat!?

Hindi matutuloy ang taping ngayon ni Charice para sa Christmas Special ng GMA 7 dahil sa kanyang stomach flu.

Wala pang balita kung kailan matutuloy ang taping ng na-postpone na TV special ni Charice pero may mga malisyosa na nagduda na baka may umawat para hindi matuloy ang pag-apir niya sa GMA 7.

Naglabas ng official statement ang Kapuso Network para hindi na mabigyan ng ibang kulay ang postponement ng TV special.

Kristine Hermosa nasa TV5 na

Marami ang nagtataka dahil si Kristine Hermosa ang special guest ngayong gabi sa Midnight DJ.

Tapos na ba raw ang kontrata ni Kristine sa ABS- CBN kaya libreng-libre na siyang umapir sa show ng kanyang future husband?

Ma at pa ang a­king sagot. Basta ang alam ko, kalat na kalat ang balita na mag­pa­pakasal na ang dalawa sa 2011 at ang eksena na nagpapakasal sila ang mapapanood sa Midnight DJ.

Talagang sinakyan ng staff ng Midnight DJ ang wedding issue ‘ha?

Happy Birthday uli Papa M.

Happy birthday uli kay Papa Miguel Belmonte ng Star Group of Companies.

Actually, ngayon talaga ang birthday ni Papa Miguel pero binati ko na rin siya kahapon para ma-feel niya ang kanyang importance sa akin.

(Happy birthday Papa M. Ang papa ng buong Star...Mwah. - SVA)