Melissa suod na sa mama ni Jake

CEBU, Philippines - Kumpleto ug mas malipayon ang Pasko ni Jake Cuenca karong tuiga tungod kay dinhi sa Pilipinas magsaulog ang iyang tibuok pamilya. Una na nga miuli sa nasud ang iyang mga igsuon ug misunod ang iyang parents. Samtang tsika ni James ngadto sa kolumnista sa Pang-Masa Vinia Vivar, iya nang gipaila sa iyang mama si Melissa Ricks ug suod na matud pa ang duruha.

Xian ug Erich magbalik

Mag-uban na usab si Erich Gonzales ug Xian Lim sa Wansapanatym karong gabii sa ilang episode nga Bandanang Itim ni Rod Santiago. Mahinumduman nga unang nagkatrabaho ang duruha sa Katorse nga maoy launching series ni Erich. Malipayon ang duha nga mag-uban og balik sa pag-arte ilabi na sa Wansapanatym diin light drama ang episode, lahi sa Katorse nga heavy drama.

Trabaho lang walang katotohanan

Miangkon si Wally Bayola nga permi siyang matuhuang bayot apan wala malain ang komedyante niini. Dili pud mabasol ni Wally ang mga tawo nga magduda sa iyang tinuod nga gender gumikan sa iyang trabaho, ilabi nga magbinayot siya sa Eat Bulaga. Tsika niya nagsugod siya isip stand-up comedian sa mga comedy bars.

Pokwang may solo show

Pero dili matud pa angay mabalaka si Pokwang tungod kay hatagan siya og solo game show nga maoy itigi sa “Who Wants To Be A Millionaire” ni Vic Sotto sa TV5 matag Sabado. Apan inay weekend ra, daily matud pa ang pagsalida sa maong show ni Pokwang, suma pa sa anchorperson sa DZRH nga si Tita Swarding nga mi-report sa OkRyan sa dyRC kagahapon sa buntag.

Carla dili pa pwede mag-boyfriend!

Dili matud pa tinuod nga supak si Rey PJ Abellana kang Geoff Eigenman aron mamahimong uyab sa iyang anak nga si Carla Abellana. Ang tinuod matud pa, supak si Rey nga mag-boyfriend na ang iyang anak nga hugtanong gisupak sa dalaga. Si Carla apil na sa umaabot nga krismaserye sa GMA-7, ang Jillian: Namamasko Po, starring child wonder Jillian Ward.

Win na Win tsugi?

Dunay tsika nga kutob na lang karong November 27, ang Pilipinas Win Na Win. Tsugi na matud pa ang maong noontime show tungod sa kamubo sa rating. Ang tsika, ang youth-oriented show nga ‘Shout Out” maoy ihulip.

Iya magpabilin sa ABS-CBN

Mipirma og tulo ka tuig nga kontrata sa ABS-CBN si Iya Villania niadtong Huwebes. Ang pag-renew niya og kontrata maoy mitapos sa mga pagduda ug pagtuo nga mubalik na siya sa GMA-7, diin una siyang nagsugod pinaagi sa youth- oriented show Click.

Ruffa mabdos?

Gidala sa tambalan si Ruffa Gutierrez human kini makaplagi nga walay panimuot sulod sa iyang lawak niadtong milabay nga adlaw. Tsika ni DZRH showbiz host Glen Garci sa OkRyan sa dyRC 648kHz nga tungod sa maong hitabo, duna dayon matud pay nagduda nga hayan nagsabak ang aktres, ilabi na nga wala pa migawas ang resulta sa series of medical tests. Pero matud ni Garci, duna pud hinuoy nagtuo nga over-fatigue, o gumikan lang sa labihan nga kakapoy gumikan sa daghang trabaho ang rason nganong nakuyapan ang actress/host.

Kim maoy sunod nga bida sa your song

Human ni Andi Eigenman, si Kim Chiu maoy sunod nga pambato sa mini-drama anthology Your Song Presents.  “Na miss ko na rin mag-taping, ‘yung mapanood sa TV. Napakasaya ko kasi may drama ulit ako.  Ngayon naman iba ibang characters ang gagampanan ko every week dito sa Your Song.  Mas makakapag explore kami ng iba’t ibang story,” nagkanayon siya sa interview sa Push.com

Kahinumduman nga sa Your Song Presents, sa episode nga Maling Akala, pud katapusan nga nakit-ang mi-arte si Kim, hangtud nga na-busy na siya sa shooting sa iyang movie with Gerald Anderson, ang ‘Till My Heartaches End.”

“Basta nagpapasalamat ako sa ABS-CBN kasi pinagkatiwalaan nila ako ng ganitong project, na makaarte uli sa TV at solo ko pa.  Mamahalin ko ito nang buong puso.”

Nakit-an sa Push.com nga sa usa sa mga layouts sa pictorial ni Kim, “taong grasa” ang konsepto.  “Ilang stories pa lang ‘yung nasasabi sa akin.  Isa dun ‘yung gaganap ako na taong grasa.  Napaka challenging talaga kung iisipin mo pa lang.  Hindi pa ako nakaka play na ganun.  Usually ang roles ko e regular akong tao, like anak sa isang Chinese family, masayahing teenager.”

Dako gyud ang kalipay ni Kim tungod kay lain-lain nga characters ang iyang masuwayan ug solo pa gyud niya ang project.