Out na ang balita na malapit nang mag-goodbye ang game show ni Edu Manzano kaya sad ang staff dahil hindi umabot sa Pasko ang Asar Talo Lahat Panalo.
Siyempre, nalungkot din ako nang mabalitaan ko na magpapaalam na ang Asar Talo dahil isa ako sa mga winner ng show. Nag-win ako ng P150,000 at hinding-hindi ko ‘yon malilimutan.
Irene Kho nandamay na naman
Love na love talaga ako ni Irene Kho dahil idinamay na naman niya ang pangalan ko sa pre-trial kahapon ng libel case nila ni Katrina Halili.
Tama ba na sabihin ni Irene na sinabi niya na si Katrina ang nagturo kay Hayden na gumamit ng drugs dahil nila-lambast ko ang kanyang pamilya?
Ano naman ang kinalaman ko sa mga litanya niya noon habang nakatutok sa kanya ang kamera ng TV Patrol?
Bakit after one year eh saka niya ako isinangkot? Talagang fan ko si Irene dahil type na type niya na idinidikit sa akin ang kanyang pangalan
Bakit ibang tao ang kanyang sinisisi sa kanyang pagkakamali? Dahil sa ginawa ni Irene, kinalimutan ko na ang pangako ko kay Dra. Vicki Belo na hindi ko na siya papatulan.
Ginaya noon ni Pokwang si Irene Kho pero dedma ito as in hindi siya nagalit. Hanggang ngayon, umiikot sa internet ang mga litrato ni Irene nang magpainterbyu siya sa TV Patrol at ang picture ni Pokwang nang i-spoof nito ang madir ni Hayden.
Dahan-Dahang Nasasanay
Dahan-dahan nang nasasanay si Shalani Soledad bilang co-host ng Willing Willie dahil marunong na siyang sumagot sa mga biro ni Willie Revillame.
I-expect natin na darating ang araw na magiging komportable si Shalani sa kanyang bagong mundo. Normal na kabahan siya dahil ngayon pa lamang niya naranasan na maging game show host.
Marvin kasama si Meryll sa Belgium!
Hindi lamang pala si Marvin Agustin ang nagpunta sa Belgium at dumalo sa Brussels International Independent Film Festival. Kasama rin niya roon si Meryll Soriano.
Naging juror si Marvin sa BIFF pero hindi klaro sa akin kung bakit nagpunta si Meryll sa Belgium. Baka naman may pelikula siya na kasali sa filmfest?
Huli kong nakita si Meryll sa studio ng TV5 sa Novaliches noong October 22. Ang alam ko, pupunta si Meryll sa London para mag-aral. Hindi ko lang alam kung kailan.