Pointen nakakuha ng perfect 10

MANILA, Philippines - Ganap nang naipakilala ang Pointen, ang up-and-coming K-Pop sensation, nang mag-perform nang live noong Oct. 24 episode ng ASAP, at base sa reaksiyon ng mga manonood sa Pilipinas at sa mga TFC subscribers ay nakakuha ng perfect 10 ang all-female group.

Sinayaw at kinanta ng Pointen girls ang first single na A Fairy Tale Song na madalas nang naririnig ngayon sa mga radio stations. Catchy and bubbly ang dating ng kanta kaya hindi nakapagtataka na hit na agad ito sa airwaves.

Pinapasikat din ng Pointen ang choreography na “Bee-Bee Dance” na mukha lang madali pero pinaghirapan nina Yuju, Sharein, Vicc, at Garyn ang training sa ilalim ng mga magagaling na dance instructors.

Pinasasalamatan din ng Pointen ang kanilang fans na aktibong sumusuporta sa bawat paglabas nila sa publiko tulad sa mga mall and campus tours at sa pagtulong sa mga online sites tulad ng Facebook.

Ang debut album na Dance Floor Prima Donna, ay mabibili sa mga record stores sa buong bansa. Nai-record ng Pointen ang album sa Korea at dini-distribute ng Sony Music.