CEBU, Philippines - Mikatap napud karon ang taho nga matud pa mobalik ang Kapamilya star nga si Iya Villania sa tugkaran sa GMA-7. Matud pa nga mopirma ang aktres og kontrata sa GMA-7 sa sunod nga mga adlaw.Unang migawas kaniadto si Iya sa GMA-7 sa mga programa nga Click ug sa seryeng Walang Hanggan niadtong 2003.
“Congratulations” ug “Pak” gisuspenso
Gisuspenso sila si Congratulations ug Pak sa programang “Willing Willie sa TV 5 sugod niadtong Martes hangtud sa Sabado. Nagbugno ang duruha tungod kay nawala ang lipstick ni Pak. Nakadesisyon ang executive producer sa show nga si Jay Montelibano nga suspensihon ang duha aron kini ma-disiplina. Hinuon nagkauli na ang duha apan kinahanglan gihapon nila nga tumanon ang suspension order.
Tween Hearts extended!
Extended ang Tween Hearts nga gibidahan nila ni Joshua Dionisio ug Barbie Forteza gumikan sa mga positibong feedback nga nadawat sa GMA-7 gikan sa mga viewers sa maong show. “ Since extended po kami, marami pang mangyayari sa story naming mga tween stars.Paiiyakin namin sila pero pasasayahin din namin sila,”matud pa ni Barbie.
Korina, Ka Noli, Ted sa TV Patrol Karen, Julius, Ces sa Bandila!
Pormal na nga gipahibawo sa ABS-CBN ang paghiusa og pwersa nila ni kanhi bise presidente Noli de Castro ug Korina Sanchez sa TV Patrol, sugod karong Lunes, November 8.
Makauban gihapon nila si Ted Failon, samtang sila si Karen Davila ug Julius Babao, sama sa migawas sa Banat Hugyaw adtong Sabado, adto na ibutang sa Bandila, kauban si Ces Drilon.
“For the first time, three respected news icons in Philippine broadcast journalism are joining forces to strengthen “TV Patrol,” ABS-CBN’s flagship newscast and the leading news program in the country for the past 23 years,” ang official statement sa ABS-CBN nga giluwatan kagahapon, nagkanayon.
Masaligon ang management nga dako kaayo og ikatampo ang pagka kanhi bise presidente ni de Castro, kay suheto naman kaayo kini sa natad sa pangagamhanan.
“Drilon, Babao, and Davila will provide deeper analysis and extended coverage of the day’s biggest news in ‘Bandila’,” nagkanayon pud ang statement.
Sheryn Regis mi-react sa Hugyaw
Sheryn: Thanks for the support Ryan.I really appreciate it.Kris sent me this link of yours.God bless you.
Ryan: Ikaw gyud ni iyaan?
Sheryn: Yeah this is me..actually its’ 3 am here..just read my message from Kris..sure.I’m doing great here in America.with my family..Doing shows here for Filipinos too..in different states.
Ang balita sa Banat Hugyaw kagahapon naghisgot sa iyang umaabot nga stage play sa Houston Texas sugod karong November 7, didto sa Houston Texas. Siya maoy narrator sa “Joseph and the Amazing Dreamcoat.”
Kinsay mubalita?
Sugod karong Lunes, November 8, sila na ang inyong makauban ug muhatod sa balita alang sa tulo ka TV networks:
TV Patrol (ABS-CBN): Ted Failon, Korina Sanchez, Noli de Castro
24 Oras (GMA-7): Mel Tiangco, Mike Enriquez
Aksyon (TV5): Paolo Bediones, Cheryl Cosim, Erwin Tulfo
Dungan niini, gihimakak sa GMA News & Public Affairs ang migawas nga mga pagduda nga ipuno si Jessica Soho nila ni Mike ug Mel isip anchor sa “24 Oras”. Wala pu’y plano ang network nga usbon ang timeslot sa 24 Oras.