Sheryn Regis hataw na sa Texas!

CEBU, Philippines - Ang garbo sa Sugbo nga si Sheryn Regis maoy narrator sa sikat nga stage play nga “Joseph and the Amazing Technicolor Dreamcoat” nga ipahigayon didto sa didto sa Nathaniel Center sa Kingwood, Houston Texas.

Labing una kining stage play sa napiling Crystal Voice of Asia sukad siya ug ang iyang pamilya mibalhin na og puyo didto sa Houston sa milabay nga tuig.

Ang garbo sa dakbayan sa Carcar ug kanhi regular sa ASAP XV, perteng lipaya nga nalakip siya niining maong production sa Centre Stag, sanglit naglaom siya nga makahimamat og daghang Pilipino pinaagi niini.

“Singing is my passion and I’m thrilled to be able to perform for Centre Stage audiences. I also look forward to seeing my many Filipino friends at my first-ever performance in the United States,” padayag pa ni Sheryn sa Community reports.

Modala isip Joseph ang sikat nga stage actor sa Houston nga si Mark Alan Howard nga beterano na usab sa Centre Stage. Pinaagi sa pagpanukiduki ni Krisverino Borres

Wallet ug sapatos for Angelica

Birthday ni Angelica Panganiban ugma, pero tua pa siya sa gawas sa nasud busa mauwahi ang iyang celebration. Gibutyag hinuon ni Derek Ramsay nga wallet ug sapatos ang regalo niya ngadto kang Angelica, kay mao raman kini gusto sa iyang uyab.

Richard dili apektado

Kever ra si Richard Poon kung dunay mupasangil niya nga iya rang gigamit si Maricar Reyes alang sa iyang umaabot nga concert. Matud ni Richard, duna gyud matud pay dautan isulti ang mga tawo bisan og sinsero siya sa iyang tinguha ngadto sa dalaga.

Lingaw og shooting

Mura ra matud pa sila og nagduwa ug wala magtrabaho sa set. Kini maoy paghulagway ni Senator Bong Revilla sa ilang panag-uban ni Vic Sotto sa pelikulang Si Agimat at Si Enteng Kabisote.

Norway wa napungot sa resulta sa Miss World Pageant

Diskontento ang Norway sa resulta sa 60th Miss World 2010 didto sa Sanya China niadtong Sabado, tungod kay para nila haom ang ilang kandidata nga si Mariann Birkedal aron maoy marayna.

Pero suma pa sa Norway, nga napulitika ang ilang kandidata tungod sa dili maayong relasyon sa China ug sa ilang nasud.

Usa ka artikulo nga gimantala sa Daily Mail Online nga giulohan og “Miss World contest turns ugly: China charged with blocking favourite Miss Norway following diplomatic row”, ang mibatbat sa kontrobersiya.

Ang diplomatic feud nga gitumbok sa artikulo mao matud pa ang kabahin sa kapungot sa China sa tagdumala sa Nobel Peace Prize nga nagbase sa Oslo Norway tungod kay ang kontra sa kagamhanan sa China ug binilanggo nga si Liu Xiabo maoy gipasidunggan og Nobel Peace Prize.

Nagduda ang mga Norwegian nga gilimbungan sila ug gi-pressure matud pa ang mga hurado nga kasagaran kanhi Miss World winners, aron di paabton sa top 5 ang ilang kandidata.

Suma pa nga mas gwapa ug mas lig-on pa ang kandidata sa Norway itandi sa pambato sa China. Top 7 o quarterfinals ra kutob si Miss Norway samtang pasok sa top 5 ang kandidata sa host country.

Si Miss Norway Kathrine Sorland, kinsa nahimong 3rd Runner Up sa Miss World 2002, nagkanayon nga sigurado gyud siya nga ang ilang pambato karong tuiga maoy nakadaog, pero gisagulan matud pa og politika ug negosyo ang nahisgutang indigay sa kaanyag. Hagbay ra matud pa siya nagtuo nga grabe kaayo ang politika sa Miss World pageant.

Pero suma pa sa www.mykiru.blogspot.com, daghan ra ang nakauyon sa top 3 diin Miss USA ang rayna, 1st runner up ang Bostwana ug 2nd runner-up ang Venezuela.