CEBU, Philippines - Gikataw-an lang ni Angel Locsin ang isyu nga matud pa nga usa siya ka-tomboy. Matud pa sa aktres nga duna lang gyu’y himantayon nga mga tawo busa kever lang siya niini.”Siguro dahil bukod sa may mga malisyosong tao, siguro may pagka-boyish ako pero hindi po ako tomboy, nagka-boyfriend po ako. Minsan sabi ko mag-yes kaya ako subukan lang natin,”nagkatawa nga gipadayag ni Angel.
Shalani magpabilin gihapon sa partido
Bisan nagbuwag na sila si Valenzuela City Councilor Shalani Soledad ug President Noynoy Aquino, gipasalig sa konsehal nga mosuporta gihapon siya sa mga kalihukan sa administrasyon ug magpabilin gihapon siya nga ka-partido sa presidente. Gipasalig usab ni Shalani nga dili maapektohan ang iyang trabaho sa break-up nila sa presidente.
Direk Rory nasakit
Dili maayo ang kondisyon sa panglawas karon sa sikat nga direktor nga si Rory Quintos ug matud pa sa nadawat nga taho sa Pang Masa nga gikan sa 21,000 ,miubos na ngadto sa 16,000 ang plate sa pasyente niadtong Dominggo.“ She has water in her lungs and her liver is swollen. Will undergo tests for it tom. Please pray for her,” suma pa sa mikatap nga text message.
Hayden ug Vicki nagbalik
Gikumpirmar mismo ni Hayden Kho nga nagkabalik na sila ni Dra. Vicki Belo. Matud pa ni Hayden nga iyang giampo nga makita na unta sa mga tawo ang iyang kasensiro sa relasyon nila ni Vicki. Kahinumduman nga usa sa mga anak ni Vicki nga si Quark Henares ang supak sa relasyon sa iyang inahan ngadto kang Hayden. “Ngayon natutunan ko na kung mayroon akong bagay na gagawin, ito ‘yung bagay na gusto ko lang talagang gawin para sa sarili ko. Sana lang dasal ko na sana makita nila in time na mahal ko talaga si Vicki,” nagkanayon si Hayden. (Sanden J. Anadia)