CEBU, Philippines - Gikataho nga sa sunod tuig na lang ipasalida ang pantaserye ni Heart Evangelista sa GMA-7 nga Dwarfina. Daghan ang nagduda nga usa sa mga hinungdan niini mao ang padayon nga panagbangi nila ni Heart ug sa manager niini nga si Anabelle Rama. Kahinumduman nga ang Dwarfina unta maoy ipuli sa Ilumina busa daghan ang nakugang sa maong kausaban. Sa pagka-karon, ang serye nga bidahan ni Jillian Ward maoy gikatahong ihulip sa time slot sa Ilumina.
Mark matulog sa sementeryo
Gikatakda nga matulog karon sa menteryo si Mark Anthony Fernandez partikular na sa musoleo sa mipanaw na niya nga amahan nga si Rudy Fernandez. Gusto ni Mark nga pribado ang pagduaw niya sa iyang amahan ug mohatag gyud siya og igong oras niini.
Edukasyon gipaneguro ni krystal
Gipadayag sa batang aktres nga si Krystal Reyes nga bisan sa ka-busy sa iyang showbiz career, dili gihapon niya kalimtan ang pag-eskwela ilabi na nga duha na lang katuig ang kuwang aron mahuman na siya sa high school. "Tiyagaan lang po, pero natutuwa naman ako kasi napagpapatuloy ko ang pag-aaral ko kahit na may trabaho. May time naman po kami mag-aral sa set kapag wala kaming take. Tapos may cut-off time po kami kaya hindi kami napupuyat sa taping," nagkanayon si Krystal ngadto sa PEP.
Jimgirl: Wala ko mo-gimik!
Giklaro ni Jimboy Salazar nga dili gimik ang iyang paglutaw karon sa tinouray niya nga kolor. Iya lang gibuhat kung asa mahimong komportable ang iyang kaugalingon. Kahinumduman nga kanhi boyfriend ni Mahal si Jimboy ug karon miangkon nga usa na siya ka mahuyang. Gitawag na siya karon og "Jimgirl" sukad gihimo niya ang maong rebelasyon.
Miss USA napili isip miss world 2010
Gikoronahan isip Miss World 2010 ang Miss USA nga si Alexandria Mills sa bag-ohay pa lang nga 60th Miss World pagean sa Sanya, China.
Milutaw ang kaanyag sa 18-anyos na si Alexandria sa 120 ka kandidata nga nakigtigi sa maong indigay.
Bag-ohay pa lang mi-gradwar si Alexandria sa high school ug pangandoy niini nga mahimong magtutudlo. Mahileg usab ang dalaga sa photography busa buot usab niya nga mabisita ang nagkalain-laing nasud sa kalibutan.
Napili usab nga 1st Runner-up mao ang pambato sa Botswana nga si Emma Wareus, samtang si Adriana Vasini nga naggikan sa Venezuela maoy nahimong 2nd runner-up.
Samtang ang giisip nga lig -on nga gikan sa Norway kay wala gyud makasulod sa Top 3 ug ang pambato sa Pilipinas nga Czarina Gatbonton wala usab makaangkon og titulo.
Isabel Oli mipirma bisan wala makasabot?
Problemado gyud matud pa si Isabel Oli karong mga panahona tungod kay wala siya’y trabaho sa GMA-7 ug dili pud siya makalayat sa TV 5 diin duna unta siya’y trabaho isip co-host ni Willie Revillame sa Willing Willie.
Kini tungod kay gihigtan siya og kontrata sa GMA-7 diin matud pa sa usa ka insider, daw dunay anomaliya ang iyang pag-renew sa nahisgutang kontrata.
Tsika nga nasagap sa Pang-Masa mao nga September last year napupos ang kontrata ni Isabel sa Artist Center, pero wala matud pa siya masayud nga na-renew na diay siya tungod sa notice nga gipapirmahan sa iyang driver niya.
"May notice of renewal na dinala 'yung handler ni Isabel sa driver. Isang kapirasong papel 'yun wherein it stated na once na pinirmahan 'yung paper na 'yun, ibig sabihin ay renewed na ang kontrata niya for another two years," tsika pa sa tinubdan sa Pang-Masa.
"Siyempre, hindi naman alam ng driver 'yun, pinapirmahan siya na i-receive 'yung piece of paper, so pinirmahan ng driver. Ang nakakaloka, 'yung signature palang 'yun, ibig sabihin ay nakatali na ulit si Isabel for another two years."
Full House ang katapusang project ni Isabel sa GMA-7 niadto pang Pebrero. Human niadto wala na siya’y regular project.
Gitanyagan pud matud pa si Isabel sa ABS-CBN og role sa usa ka dako niining teleserye, pero dili gihapon niini madawat gumikan sa kontrata niya sa GMA-7.