Kung ako rin si Pia Magalona, siguradong magagalit ako dahil mayroong nagpapakalat ng hindi magandang balita tungkol kay Maxene Magalona. Hindi niya alam kung anong galit meron ang nagkakalat ng tsismis para gawan ng hindi maganda ang kanyang anak. Pero naniniwala si Pia na nagkamali lamang ang nagkakalat ng balita dahil totoong may buntis na Magalona pero hindi si Maxene kundi ang panganay na anak niya, ang ate ni Maxene.
Akala siguro ng nagsulat, naka-scoop na siya. ‘Yun pala kuryente siya. Hindi muna niya bini-verify ang mga facts niya, para hindi siya nalalagay sa kahihiyan.
Ayan, si Pia na mismo ang nagsabing hindi totoo na buntis si Maxene, baka naman hindi pa kayo maniwala. (Anak ni Pia sa una. - SVA).
* * *
Masuwerte naman sina Queenie Padilla at Ejay Falcon, kasama sila nina Robin Padilla at Mariel Rodriguez sa India para sa ginagawang movie ng dalawa.
Aba, mukha yatang may go signal na si Binoe sa friendship ng dalawa. At marahil aprubado siya dahil kung hindi ay hindi niya papayagang magkasama ang dalawa. Matatandaan na kinakausap na niya nun si Ejay at marahil din, he was assured na talagang magkaibigan lang ang dalawa at walang nangyayaring ligawan sa kanila.
* * *
Tila magiging masuwerte ang pagtatapos ng 2010 kay Marvin Agustin. Hindi man siya napapanood sa kasalukuyan sa anumang palabas ng GMA 7, visible naman siya dahil sa kanyang product endorsement at pinayagan ng GMA 7 na makalabas pa siya sa Ang Tanging Ina na sinasabing pinaka-huling kuwento ng serye na isang entry sa MMFF ng ABS-CBN.
Napili rin siya para maging isa sa mga hurado sa Brussels International Film Festival na hindi naman alangan dahil hindi lamang siya isang basta-bastang artista kundi isa rin sa ipinagmamalaki ng bansa.