Ex manager ni KC tikom ang bibig, may hinihintay bago magsalita

Seen : Tikom pa ang bibig ng talent manager na si Shirley Kuan tungkol sa tunay na dahilan ng paghihiwalay nila ni KC Concepcion. Isang malapit kay Shirley ang nagsabi na magsasalita sa tamang panahon ang ex-manager ni KC.

Scene : Rated B ng Cinema Evaluation Board ang Till My Heartaches End. Ngayon ang showing sa mga sinehan ng pelikula nina Kim Chiu at Gerald Anderson.

Seen : Hihilingin ni Atty. Lorna Kapunan sa korte na isama ang Twitter at Facebook account ni Kris Aquino sa gag order dahil nagagamit ni Kris ang mga social network sa paglalabas ng mga hinaing niya laban kay James Yap. Si Atty. Kapunan ang abogado ni James.

Scene : Libu-libong applicants ang dumagsa kahapon sa SM Megamall Trade Hall para sa ABS CBN- Philippine Star job fair.

Seen : Gagawa ng pelikula sa Viva Films sina Robin Padilla at Cesar Montano.

Scene : Itatanghal ngayong gabi ang David Foster and Friends  sa ballroom ng The Ritz Carlton, Jakarta, Indonesia. Kasama pa rin ni David sa concert sina Natalie Cole, Charice, Peter Cetera, Ruben Studdard  at The Canadian Tenors.

Seen : Kasali si Arnel Pineda sa bagong album ng The Journey na ilalabas sa 2011.

Scene : Nagtatrabaho na ang mga kamag-anak ni Krista Ranillo sa mga US company na pag-aari ng kanyang asawang si Niño Lim.