Jewel magpabilin sa GMA-7
CEBU, Philippines - Bisan pa man sa mga hungihong nga mobalhin si Jewel Mische sa ABS-CBN human nakigtigom kini sa mga executives sa maong network, giklaro sa Senior Vice President for Entertainment sa GMA-7 nga si Wilma Galvante nga magpabilin si Jewel isip Kapuso sanglit ila na gipangandaman ang umaabot nga serye alang sa young actress.
JC ug Mo wala magtagad
Gipadayag ni JC de Vera nga dili sila close ni Mo Twister hinungdan nga wala kaayo siya motagad niini sa dihang mi-guest siya sa showbiz talk show nga Paparazzi sa TV 5. Todo promote karon ang aktor sa programa niya nga My Driver Sweet Lover ug iya kini nga giisip nga dakong break niya sa telebisyon.
Isabel nakapuntos ni Kris
Gihulagway nga “pretty” ni Kris Aquino si Isabel Oli sa dihang iya kini nga nasigpatan sa gipahigayon nga church wedding sa miaging adlaw nila ni Jenny Miller ug Cupid Feril.
Fans ni Cristine nabahin
Wa kaipsot si Cristine Reyes sa mga reaksiyon sa iyang mga fans kinsa nabahin sa gusto nila nga mapares alang sa ilang idolo. Adunay uban nga miingon nga bagay si Cristine kang Rayver Cruz apan ang uban moingon usab nga angayan si Zanjoe Marudo gumikan kay duna sila’y chemistry sa aktres.
Michelle giluwas ni Jon
Natagak na si Jon Hall sa koalisyon sa mga tribo sa reality show nga Survivor Philippines: “Celebrity Showdown” . Gihatag ni Jon ang iyang immunity bracelet ngadto sa iyang girlfriend nga si Michelle Madrigal aron maluwas kini sa sunod nga eliminasyon.
- Latest
