TRUE : Pumirma na ng kontrata si Sen. Bong Revilla, Jr. sa GMA 7 kahapon ng umaga.
Say naman ni Sen. Bong,15 taon na siya sa GMA 7 at hindi naman kailangang may exclusive contract dahil mananatiling Kapuso naman siya.
Sagot naman ni Ma’am Wilma Galvante, mabuti na ’yung na-seal ng kontrata para hindi na magugulo ng mga “exterior forces”.
Sa naturang contract-signing ay kinumpirma na rin ni Sen. Bong ang title ng pelikulang pagsasamahan nila ni Vic Sotto na entry sa Metro Manila Film Festival — Si Agimat sa Mundo ni Enteng Kabisote.
TANONG : Ano ba talaga ang problema nina Gerald Anderson at Kim Chiu bakit sobrang emote na emote na sila ngayon tuwing ini-interview?
Sa presscon ng pelikula nilang Till My Heartaches End ay napaiyak na ang dalawa.
Sa guesting ni Gerald sa The Buzz nung nakaraang Linggo, naiiyak na naman ito at kung anu-anong pag-i-emote ang mga pinagsasabi.
Sinabi pa niyang nakahanda siyang i-give up ang kanyang career at babalik sa GenSan para ipagpatuloy ang kanyang pag-aaral, pero hindi nito kayang i-give up si Kim.
Ano ba talaga ang problema? Ano ba talaga ang totoong drama?
Pagkahaba-habang pag-i-emote ni Gerald sa The Buzz kaya na-overtime sila tuloy na dapat ay oras na ’yun ng TV Patrol para ibalita ang parating na malakas ng bagyong Juan. Hay!
TOTOO KAYA itong ikinuwento sa akin ng isang kaibigan na nakita niyang nagtatawag ng mga bagets na lalaki ang beteranong aktor na hindi na gaanong active ngayon sa pag-aartista.
Isa ito sa pinakaguwapo at sikat na sikat na heartthrob nung kapanahunan ng beteranong aktor na ito.
Kung kani-kaninong sikat na aktres ito nali-link pero minsan na itong na-tsismis na bading pero hindi ito pinatulan dahil lalaking-lalaki ang image nito at gigolo ang dating. Kaya hindi makapaniwala ang aking source nang nakitang nagtatawag ng mga guwapong bagets si beteranong aktor sa village na tinitirhan nito somewhere in Makati.
Kasama pa nitong source namin ang isang baguhang young actress na nakatira sa village ring ’yun at ikinukuwento nga nitong madalas nga niyang nakikitang nagtatawag ng mga guwapong bagets itong si beteranong aktor at kinakausap lang ang mga ito.
Say pa nga nitong young actress, “kinukumpetensiya pa kami niyan!”
TSIKA LANG : Nagkaroon ng story conference ang bagong fantaserye ng GMA 7 na Dwarfina na pagbibidahan nina Heart Evangelista at Dennis Trillo.
Open naman si Dennis na crush niya si Heart noon at balak niyang ligawan pero tapos na ’yun dahil in love na ang aktor kay Jennylyn Mercado ngayon at meron na ring Daniel Matsunaga si Heart.
Pero ang mas excited sa project na ito ay ang baguhang si Derek Monasterio dahil makakatambal nito si Kylie Padilla na matagal na pala niyang crush.