CEBU, Philippines - Tinuod nga walay tawong perpekto, apan mahimo ra nga buhaton ang tanan aron maduol sa pagkaperpekto. Mao usab kini ang gituohan sa 17-anyos nga si Karl Louise Butaslac, kinsa kasamtangang usa ka business management student sa University of San Carlos main campus. Matud niya, “Do more, strive for the best, and never settle for less.”
Nahuman sa sekondarya si Karl sa Xavier University (Ateneo de Cagayan), isip usa sa matawag nga outstanding students. Niadto pa, iyang gipadayag nga mahilig na siya moapil sa mga susamang kalihokan sa fashion show sa ilang eskuylahan ug lugar. Idolo niya si Victoria’s secret model Adriana Lima tungod kay, niya pa, anaa ni Adriana ang mga hiyas sa usa ka matuod nga model superstar. Alang ni Karl, makaukay ug makahugyaw gyud ang pinasuhan sa maong modelo, ug ang katahum niini takes his breath away.
Kasamtangang nanimuyo karon si Karl sa Urgello St., Cebu City. Ug girls (and maybe gays), single and available pa si Karl, who stands 5’8.” Paborito niya ang purple, ug miyembro siya sa Society of Business Executives and Entrepreneurs sa ilang tulunghaan. Dream-vacation destination sa gwapitong modelo ang mga makabibihag nga dapit sa Paris, Santonni Valley sa Greece, Verona Italy, Brazil, ug Hollywood.
Sulundon ang kinabuhi ni Karl tungod kay he strives to live healthy and clean every day. Dili siya motabako, moinum lamang siya kung dunay special nga okasyon apan dili siya maghubog, positibo ang iyang panglantaw sa kinabuhi, friendly and outgoing siya, prayerful, ug gusto niya nga ipahiuyon sa husto nga rason ang pagbuhat niya sa usa ka butang.
Si Karl maoy male-candidate number 1 sa Cebu Runway’s Best 2010. Nagkinahanglan siya sa inyong suporta aron mamahimong ultimate-male Banat Huygyaw Readers’ Choice. Palit na karon dayon sa Banat News ug gamita ang kupon aron sa inyong pagboto kaniya. Sunda lamang ang tamdanan nga inyo usab mabasa ning maong pahina.