Ex ni Marian basted kay Gwen

TRUE : Nakapag-bonding nang husto sina Heart Evangelista at Daniel Matsunaga sa ilang araw na bakasyon nila sa Japan.

Kamakalawa ng hapon lang sila dumating at masayang-masaya sila at sabi nga ni Heart, lalo nilang nakilala ang isa’t isa sa ilang araw na pagliliwaliw sa Japan.

First Pinay girlfriend ni Daniel si Heart at kakaiba raw ito sa mga nakaraan niyang relasyon.

Dahil dito, pursigido na raw siyang maging Pinoy. Hindi naman daw tututol ang pamilya niya na dadalaw dito sa susunod na buwan.

TANONG : Totoo kayang malapit nang i-announce nina Geoff Eigenmann at Carla Abellana na sila na?

Sa shooting ng Shake, Rattle and Roll 12, kinulit na namin kay Carla kung totoong sila na nga ba talaga ni Geoff.     

“Hahahahaha parang malapit na eh! Papunta na kami doon, ganun na alam naman ninyo ‘yan hindi naman namin itatago ‘yan, parang andun na rin.  I guess whatever you want to call it whatever label you want to put to us both, andun na. I guess andun na kami sa point na ‘yun na next level na kami, kumbaga so mas close pa sa close more than friends whatever you want to call it,” mahabang pahayag ni Carla na kung paikliin lang niya, “Oo” lang ang ibig sabihin nito.

TOTOO KAYANG niligawan ni Ervic Vijandre ang baguhang Kapuso talent na si Gwen Zamora, pero binasted daw ito?

Tinanong namin si Ervic tungkol dito at aminado nga siyang type niya si Gwen. Ilang beses na raw niyang in-invite itong mag-dinner pero tumanggi raw ito. “Hindi raw niya type,” bahagi ng kuwento sa amin ni Ervic.

TSIKA LANG : Aminado si Iza Calzado na sobrang adik siya sa pagtakbo kaya gusto na rin nitong kumbinsihin ang mga kaibigan niya.

Isa sa kinukulit niyang tumakbo ay ang co-host niya sa The Sweet Life na si Cong. Lucy Torres-Gomez. Pero hindi naman daw ito hilig ni Lucy bukod pa sa napaka-hectic ng schedule nito.

Sa taping ng bagong drama series na Beauty Queen, sinasabihan na raw si Iza na itigil na ang pagpapayat pero mukhang hindi pa niya kayang itigil ang pagtakbo.

Kahit nagpupuyat ito sa taping, sinisingit pa rin nito ang pagtakbo dahil hinahanap na raw ng katawan niya.

Sa Lunes na magsisimula ang Beauty Queen pagkatapos ng Ilumina.