Gary V. iparirinig uli ang mga 'di napansing kanta

MANILA, Philippines - Matapos ang successful at historic collaboration kasama ang Concert King na si Martin Nievera sa AS 1 commemorative CD, nagbabalik si Mr. Pure Energy Gary Valenciano sa kanyang latest solo, full-length CD under Universal Records na pinamagatang Replay.

Ang Replay ang 25^th full-length studio album ni Gary V. na ang mga kanta ay hango sa kanyang mga multi-platinum albums. Hindi gaanong popular o napansin kung ikukumpara sa monster hits ng ibang nasa collection pero this time, ang mga napiling awitin ay maha-highlight sa Replay at malalaman natin na hanggang ngayon ay relevant pa rin ang mga sinasabi ng kanta. Kaya nais ni Mr. Pure Energy na iparinig itong muli.

Ang ilan dito ay kinanta ni Gary sa Gary V: Soul In Motion sa Music Museum tulad ng Ohhh na galing sa album na Rebirth at ang carrier single na Did It Ever mula sa Relevance.

Kasama rin sa 17 digitally re-mastered tracks ng Replay album ang One Hello, Kung Tayo’y Magkakalayo, And I Love You So, Home, Tell Me, Kailan Pa, Alam Ko Na, at More and More.

Si Paul Soriano ang nagdirek ng music video ng Did It Ever at napapanood na ito sa MYX.