Will-Marian sa 2011

CEBU, Philippines - Usa ang bag-ong Kapuso star nga si  Will Devaughn ang mahimong kapares ni  Marian Rivera sa umaabot nga serye sa GMA-7 nga nag-ulohan og Maharlika nga himuon sa unang bahin sa 2011. Pagkakaron malakip ang aktor sa pantaserye nga Dwarfina nga gibidahan ni Heart Evangelista.

Iza magtindera sa merkado

Tindera sa merkado nga ganahan muapil og beauty pageants ug nangandoy nga makasalmot sa Bb. Isla Pilipinas ang role ni Iza Calzado sa iyang umaabot nga primetime teleserye, Beauty Queen sa GMA-7. Balik drama na si Iza human taud-taud pud siya nga mipunting sa iyang atensyon sa hosting. Makauban ni Iza isip kontrabida niya si Katrina Halili nga matud pa niya, maka-insecure ang ka-sexy.

Asia mobalik sa showbiz

Gipadayag ni Asia Agcaoli nga andam na siya mobalik sa pag-arte bisan pa man nga duna na siya’y usa ka anak. Dugang pa ni Asia modawat gihapon siya og mga sexy project ug mapasigarbohon siya nga bisan human manganak, makabibihag gihapon ang iyang lawas.

Tatak Pinoy

Gipakpakan og maayo sa mga audience   ang garbo sa Pilipinas nga si Lea Salonga sa malampusong ika-25 ka tuig nga selebrasyon sa  musical play nga   Les Miserables didto sa London. Si Lea maoy midala isip   Fantine diin ang maong karakter maoy miawit sa  ”I Dreamed A Dream.” (Sanden J. Anadia)

Scriptwriter sa Agimat ni Enteng naglibog

Naglabad pa matud pa ang ulo sa scriptwriter sa pelikula nga Agimat Ni Enteng unsaon nga patas ang exposure sa duha ka mga big stars nga bida niini nga sila si Senator Bong Revilla ug Vic Sotto. Tsika ni Tita Swarding sa showbiz-program OkRyan sa dyRC 648kHz, kagahapon sa buntag, nga hangtud karon wala pa mahuman ang script sa maong pelikula, ug dako ang posibilidad nga dili na kini malakip sa Metro Manila Film Festival karong December. Kini kung sundon gyud ang plano nga sa gawas sa nasud himuon ang special effect sa pelikula nga mulanat pa og tulo ka buwan.

Bianca bida na!

Hatagan og solo project sa ABS-CBN si 2009 Bb. Pilipinas Universe Bianca Manalo. Kini mao ang “Tina Banana.” 

“‘Til My Heartaches End”

“’Til My Heartaches End” ang final title sa pelikula nila ni Kim Chiu ug Gerald  Anderson sa Star Cinema, nga isalida karong  October 27.

Heart ug Bianca nag-uli na

Nag-uli na sa maayong kabubut-on sila si Heart Evangelista ug Bianca King. Kahinumduman nga nagkabangi ang duha ug usa  sa mga hinungdan mao ang ex-boyfriend ni Heart nga si Ian Dy.

Pasalig ni Rico

Gisaad ni Pilipinas Win Na Win host  Rico J. Puno nga dili niya banatan ang kaatbang nila nga Eat  Bulaga  gumikan kay suod kaayo niya nga mga higala ang mga hosts niini nga sila si  Joey de Leon, Tito ug Vic Sotto.

Reality show for Robin?

Gikatahong gitanyagan og usa ka reality show sa TV 5 si Robin Padilla.