CEBU, Philippines - Pinaspasay na sa shooting nila ni Kim Chiu ug Gerald Anderson para sa ilang movie sa Star Cinema nga ubos sa direksyon ni Jose Javier Reyes. Suma pa sa PEP, niadtong Sabado ang fourth shooting day sa Kimerald ug target playdate niini ang October 27.
Willie Brazilian ang gipanguyaban
Usa ka kasaligan nga tinubdan ang mihunghong sa PEP nga Brazilian matud pa nga ginganlan og Ayumi ang gipangulitawhan karon ni Willie Revillame. Usa ka adlaw, gipakuha matud pa ni Willie si Ayumi sa iyang helicopter ug gilupad paingon sa Tagaytay alang sa usa ka paniudto. Didto sa mabugnaw nga dakbayan, gilibot matud pa ni Willie si Ayumi sakay sa iyang Lamborghini.
Na-tripan si Bea
Usa ka Twitter account matud pa ang nagpaila nga siya si Bea Alonzo, ug nagmantala og negatibo nga istorya batok sa mga artista. Dali nga miklaro ang Star Magic ngadto sa PEP pinaagi sa pag-ingon og, “It’s not her.”
Mariel gibuweltahan nila ni Toni ug KC
Wala gihapon mahunong ang istorya kalabot sa panagbikil tali nila ni Toni Gonzaga ug Mariel Rodriguez ug subling mitingog ang nahiuna kalabot sa isyu.
“Sa lahat ng mga taong na-involve, pinili na nina Anne, Luis, Vice na huwag nang magsalita pa kasi mas lalaki pa, mas marami pang taong mai-involve, masasaktan. Siguro one thing that I would take away from this whole experience is that I learned so much about the guys in the industry, about friendships. And that’s one thing siguro na babaunin ko siguro yung mga natutuhan ko dito sa mga naranasan ko,” saysay pa ni Toni.
Dugang pa sa TV host nga okay ra kaniya ang komprontasyon apan lisod kaayo kung ang iyang kaistorya dili mosulti sa tinuod.
Samtang mitingog na usab si KC Concepcion kalabot sa giingong pagkahibulong ni Mariel kung nganong gitagaan siya og programa nga Simply KC.
“Ang masasagot ko dun, hindi ko narinig yun straight from her, usap-usapan yun. At the same time, kung totoo man yun, mahal ko yung show ko, mahal ko yung trabaho ko, in the same way na mahal niya yung trabaho niya.
Dugang pa niya nga dunay nakaabot niya nga mga istorya nga matud pa gilibak siya ni Mariel.
“And I know if I confront her (Mariel), she’ll be denying it nang harap-harapan. Pero kasi hindi kasi maiiwasan yung doubt na bakit ang daming hindi magkakakilala na nagsasabi sa akin na may sinabi siya sa akin na iba-iba,” dugang pa ni KC.
Samtang nanghinaut ang manager ni Mariel nga si Boy Abunda nga masulbad na unta ang maong problema.
Sam nanguyab ni Kim?
Daw gigitik karon sa kahimuot ang mga fans sa Sugbuanong si Kim Chiu tungod sa balita nga nasagap sa Banat News Hugyaw kagahapon nga matud pa, gihatod ni Sam Milby ang young actress sa dance lesson niini niadtong Domingo sa gabii.
Mismong si Maja Salvador nga maoy barkada karon ni Kim maoy mibutyag niining maong balita nga gikalipay sa mga fans.
Suma pa ni Maja sa iyang Twitter account, dream ni Kim nga makasakay og topdown nga car, ug natuman na ni tungod ni Sam.
Dugang tsika nga nasagap sa Banat Hugyaw mao nga Abril pa niining tuiga misugod og diskarte si Sam kang Kim, pinaagi sa pagpadala og buwak ngadto sa dalaga sa ilang pagbalik dinhi sa Pilipinas gikan sa series of shows sa Amerika.
Ang tsika sa tinubdan sa Banat Hugyaw mao nga sekreto lang ang maong diskarte ni Sam ngadto kang Kim aron dili maapektuhan ang loveteam nila ni Gerald Anderson.
Samtang suma pa nga tinuod nga nanguyab gyud si Jason Abalos kang Kim pero wala pa sugta. Ang tsika mao nga supak ang mga fans ni Kim kang Jason aron mahimong hinigugma sa ilang idolo.
Dungan niini, migawas ang balita nga ang Solid Kim-Gerald ug Kim-Gerald Forever pa lang ang sigurado nga musuporta sa umaabot nga pelikula sa Kimerald nga ipasalida karong buwana ubos sa Star Cinema.
Matud pa, gitino pa kung mupaluyo ba niining maong pelikula ang Kimerald World ug Kimerald Baos. Kining maong mga grupo matud pa, wala makauyon ni Gerald gumikan sa pagpanguyab niini kang Bea Alonzo.