Concert ni Adam Lambert, for adults only?
MANILA, Philippines - Totoo nga bang baka maging For Adults Only ang nalalapit na Manila concert ng American Idol Season 8 runner-up na si Adam Lambert sa Oct. 10 sa Mall of Asia Concert Grounds?
May mga grupo raw na nagsasabi na hindi wholesome si Adam kapag nagko-concert. Sa isang recent show niya sa US, may hinalikan daw si Adam na guwapong lalaki sa audience at ito ay lips to lips pa.
Kung mga teenagers daw na 18 and below ang manonood kay Adam, hindi magiging maganda kung makikita nila na manghahalik si Adam ng lalaking Pinoy sa audience.
Simula nang sumali si Adam sa American Idol, naging palaisipan na ang gender niya. Kahit na hindi siya naging vocal sa tunay niyang kasarian, marami pa rin siyang naging fans sa buong mundo.
Sa isang bansa tulad dito na maraming konserbatibo, marami raw mga magulang na hindi pabor panoorin ang mga anak nila ng concert ni Adam. Kaya naman ipipilit ng ibang mga grupo na kontrahin ang pagpe-perform ni Adam sa Manila o gawing For Adults Only ang show niya.
Hindi namin alam kung ano ang magiging reaction ng local producer ni Adam sa protestang ito.
Maraming teenage fans si Adam, pero siguradong mababawasan ang crowd attendance sa concert niya kung maipapatupad ang For Adults Only na patakaran.
- Latest
