Nadia may banta kay Alex
Na-forward sa amin ang text message ni Nadia Montenegro kay Alex Gonzaga at sa tono ng message nito, mukhang galit sa isa sa mga hosts ng Juicy.
Heto ang text message ni Nadia na naka-CC kina Annabelle Rama, Sir Perci Intalan, Noel Ferrer, EP Nelson, Moe T., at Jun Lalin: “Alex Gonzaga, dis is Nadia, Anyka n Alyanas mom. My daughters r 14 n 16 yrs old. I have taught them to be respectful to all n to have gud manners. I wud rily appreciate it f u STOP CALLING THEM NAMES N STOP CRITICIZING MY KIDS. Nag-aral ka naman cguro. Pnalagpas ko wen u called YANA CAMEL TOE ON STAGE n FRNT OF EVERYBODY A FEW MONTHS AGO, 2DAY A LOT OF PPOL HEARD U CALL YKA PANGET. “Magaling nga sumayaw ang panget-panget naman.” May ginawa ba mga anak ko s yo? Keep away frm them pls. Its nt a warning, it’s a request frm a mother protecting my children like u. They love u pa naman n luk up to u bt u hurt them. My children r educated. Nxt tym f u have issues w them cnfrnt me. They r minors. Stop insulting ppol coz ur nt perfect urself.”
Elmo may bagong tagahangang aktres
May nadagdag na namang aktres na fan si Elmo Magalona, pero dahil taga-kabilang network siya (hindi namin sasabihin kung Kapamilya o Kapatid), hindi namin siya pinangalanan. Ang sabi, pinapanood ng aktres na ito ang Party Pilipinas dahil sa young singer-actor at sinubaybayan ang Red Mask video nina Elmo at Julie Ann San Jose.
Nagtapos na last Sunday ang Red Mask na three weeks ding tumakbo tuwing episode ni Direk Rico Gutierrez ng Party Pilipinas. Manood pa kaya ang aktres ng show ng GMA 7?
Rhian Ramos at Mo Twister hiwalay na!
Break na sina Rhian Ramos at Mo Twister, pero ’pag tinanong ang dalawa, isasagot nilang paano sila nag-break kung walang inaming relasyon? Pero dahil maayos ang sagutan nila sa Twitter, kung totoong break na sila, nanatili silang magkaibigan.
Anyway, busy pa rin si Rhian sa Ilumina at sa episode mamaya, tutuksuhing baliw ng mga bata si Romana (Rhian) at dadalhin sa mental hospital, pero tumakas nang awayin ng ibang pasyente.
Puro peklat
Pinaka-grabe pala ang kagat ng lamok kay Akihiro Sato habang nasa isla sila sa Thailand para sa Survivor Philippines : Celebrity Showdown. ’Yung ipinakita nitong sugat sa leg niya sa presscon ng reality show ay na-infection at kinailangang operahan. Sinagot ng GMA 7 ang operasyon sa binti ng binata.
Ikinuwento ni Solenn Heussaff kung paano mangagat ang green na mga lamok na bukod sa nangangagat, nag-iiwan pa ng itlog sa parte ng katawang kinagat at ’yun ang nagpalala sa mga sugat nila. Hindi rin basta namamatay ang mga lamok at kailangang tirisin ng husto.
Kaya pala may peklat ang kagat ng lamok sa mga castaways at puting peklat ang nakita namin sa mga braso nina Solenn, Akihiro, Michelle Madrigal at sa iba pang castaways.
- Latest
