May concert ang magandang singer na si Jade Ecleo sa October 2 sa Surigao Gymnasium at October 7 sa Metro Bar kung saan guests sina Jay-R at Dingdong Avanzado. Kasama rin ang dalawa sa first album ni Jade kung saan naging close ang tatlong singers.
Naitanong namin kay Jay-R kung ano ang masasabi nito sa isyung nakipaghalikan sa kapwa babae ang kanyang nobyang beauty queen na si Krista.
Sagot nito : ‘‘Dedma lang ako at ‘di apektado ng intriga. Hindi naman maiiwasan ang negative comments pero tiyak ko na ‘di pumapatol sa kapwa babae ang aking nobya.’’
Stable ang relasyon ng dalawa at mahal na mahal nito si Krista.
* * *
Pinabulaanan din ni Dingdong Avanzado ang balitang nagkakalabuan na sila ng asawang si Jessa Zaragoza. Marami kasing intriga tungkol dito at di mamatay-matay ang tsismis tungkol sa dalawa.
‘‘Maraming haka-haka na hiwalay na kami ni Jessa. Hindi naman perfect ang married life namin pero sanay na kami sa intriga dahil nine years na kaming nagsasama at stable ang aming relasyon,’’ aniya.
Gustung-gusto namin ang dueto nila ni Jade na Just The Way You Are na nakapaloob sa album.
* * *
Panawagan ng Movie Writers Welfare Foundation (MWWF) na magtungo ngayon ang entertainment press sa Mowelfund Skylight para sa libreng check-up sa unang medical-dental mission nila.
May programa na inihanda ang grupo sa pakikipagtulungan sa UNTV ni Kuya Daniel Razon. Idaraos ito mula 9:00-3:00 p.m. ngayong Linggo.