CEBU, Philippines - Padayon karon nga gipistahan sa Youtube ang music video sa taud-taud na nga awit ni Beyonce Knowles nga “Diva”. Gawas sa maong awit, nagkasikat usab karon ang awit ni Beyonce nga “Body Rock”.
Telephone pasok sa Glee
Ang awit ni Lady Gaga nga “Telephone” maoy usa sa i-feature nga awit sa pilot episode sa Glee Season 2 nga nag-ulohan og “Audition”: Madungog usab sa dili madugay sa nahisgutan nga musical series ang pipila ka mga sikat nga kanta karong panahona sama sa Empire State of Mind, Billionaire , Listen ug What I Did For Love.
Hangyo ni Charice
Gihangyo ni Charice Pempengco ang iyang mga fans nga tabangan siya sa nagpadayon nga online voting sa Teen Icon Awards nga gidumala sa J-14 magazine. Gikatigi ni Charice sa maong award giving body ang nagkadaiyang sikat nga international teen stars nga naglangkob nila ni Bella Thorne, Bridgit Mendler, Cody Simpson, Frankie Jonas ug Greyson Chance.
Enchong ug Erich adunay kasabotan
Gipahibalo ni Enchong Dee nga kung maabot ang panahon nga ma-develop siya kang Erich Gonzales , dili gyud niya pangulitawhan ang aktres aron dili maguba ang tandem nila sa telebisyon.
Dugang pa niya nga miuyon si Erich sa maong kasabotan ug ilang gipasalig nga ma-control nila ang ilang emosyon kung magkagusto sila sa usag-usa.
“Sabi talaga namin kahit mag-develop kami hindi namin itutuloy. Nag-usap kami, sabi ko, ‘Erich siguro kung nung Katorse naging tayo agad, baka ngayon wala na itong love team natin.’ Nakikita ko kasi pareho pa kaming bata, immature pa kami mag-isip. Kailangan pa namin ng enough time at maturity bago kami magkaroon ng successful relationship,” nagkanayon si Enchong ngadto sa abs-cbn.com.
Samtang giklaro ni Enchong nga dili siya magselos kung dunay lalake nga manguyab sa iyang ka-loveteam sanglit dili siya hilig nga mag-apil apil sa desisyon sa ubang tawo.
Ang duha naghinam-hinam na sa mahimong resulta sa pelikula nila nga “I Do” sa Star Cinema nga makita na karong September 29.
May karapatan ka lang magselos kung may relasyon kayo or you promised something. Pero kung magkaibigan lang kayo, wala dapat selos. Ako sinasabi ko sa kanya, ‘Wala kang karapatang magselos!’ Ha ha ha! Kung baga, you have the freedom,” dugang pa sa young actor.